بارەگایێ بارزانی: سەرۆك بارزانی چ لێدوان ل دۆر پۆستێ سەرۆكوەزیرێن عیراقێ نەداینە

ناڤه‌ندا نووچه‌يان – سه‌ما
بارەگایێ بارزانی ئەڤرۆ رۆھنکرنەک بەلاڤكر و تێدا ھاتیە، د چەند پێگەهێن میدیایی و سۆشیال میدیایێ دا داخویانیەک ب ناڤێ سەرۆك بارزانی بەلاڤبوویە، تێدا ئاماژە کریە كو سەرۆك بارزانی دژی دوبارە دانانا محەمەد شیاع سوودانیە بۆ پۆستێ سەرۆکوەزیرێن ئیراقێ.
بارەگایێ بارزانی ئاماژە ب هندێ كر، کو ڤی بابەتی چو بنەما بۆ نینن و دوورە ژ ڕاستییێ، ئارمانج ژی ژ بەلاڤكرنا ڤان دەنگۆیان تێكدانا وی سەقایێ ئەرێنییە یێ کو د پەیوەندییێن حکومەتا هەرێما كوردستانێ و حکومەتا ئیراقا فیدرال دا دروستبووین.