ناڤه‌ندا نووچه‌يان – سه‌ما
تنێ د سێ هەیڤێن بۆرى دا، هێزێن ئەمنى یێن عيراقێ، زێده‌ترى هه‌زار بازرگانێن مادەیێن بێهۆشكەر ل چەندین پارێزگەهێن عيراقێ دەستەسەركرینە.
زێدەبوونا بكارهێنەر و بازرگانیكرن و بەرهەمئینانا مادەیێن بێهۆشكەر ل عيراقێ رێژا وان بەرەف زێدەبوونێ یە.
حسێن یوسف تەمیمى، په‌يڤدارێ رێڤەبەریا گشتى یا مادەیێن بێهۆشكەر و كاریگەریا دەروونى ل عيراقێ راگەهاند، ژ دەستپێكا ئيساله هەتا نوكە هه‌زار و 559 بازرگانێن مادەیێن بێهۆشكەر ل چەندین پارێزگەهێن عيراقێ هاتينه دەستەسەركرن، زێده‌بارى دەست ب سەر دوو تەن و سەد و پەنجا و شەش كیلۆگرامێن مادەیێن بێهۆشكەر دا هاتیە گرتن.
رێكخراوێن ناڤخۆیى و نێڤدەولەتى هۆشدارى دایە عيراقێ، كو عێراق بوویە ناڤەندەكا بەلاڤبوونا مادەیێن بێهۆشكەر ل دەڤەرێ.