ئيڕۆ دوشەمبوويێ، 17ی ئادارا 2025، مەسرور بارزانی، سەرۆکێ حکومەتا هەرێما کوردستانێ، پێشوازی ل پاتریک دۆرێل باڵیۆزێ فڕەنسا ل عيراقێ کر.
د راگه‌هاندنه‌كا سه‌رۆكاتيا حكومه‌تا هه‌رێما كوردستانێ دا هاتييه، مەسرور بارزانی، سەرۆکێ حکومەتا هەرێما کوردستانێ، پێشوازی ل پاتریک دۆرێل باڵیۆزێ فڕەنسا ل عيراقێ کر و هەردو ئالییان بەحسێ رەوشا گشتیا عێراقێ و هەرێما کوردستانێ و دەڤەرێ کر.
تەوەرەكێ کۆمبوونێ، یێ تایبەت بوو ب دانوستاندنێن پێکئینانا کابینا نوو یا حکومەتا هەرێما کوردستانێ، هەروەسا سەرۆکێ حکومەتێ دیار كر: سەقایەكێ ئەرێنی و لێکتێگەهشتنەكا باش هەیە و هیڤیدارین د دەمەكێ نێزیکدا، حکومەتەكا بهێز و ئێکگرتی پێکبینین.
گرنگییا نەهێلانا ئاستەنگێن ل هەمبەر هنارتنا نەفتا هەرێما کوردستانێ و دابینکرنا پشكا بودجەیێ هەرێمێ و ڕێزگرتن ل قەوارێ دەستووريیێ هەرێما کوردستانێ، پشكەكا دیتر یا دانوستاندان بوو.