ناڤەندا نووچەیان – سەما
سێ شه‌مبوويێ، 11-03-2025، سەرۆك بارزانی د پەیامەكێدا، ل سالیادا ڕێككەفتنا 11ی ئادارا 1970ێ ڕاگەهاند، ئەو ڕێككەفتنە دەستكەفتەكێ مێژوویی و گرنگێ خەباتا گەلێ كوردستانێ ب ڕێبەرییا بارزانییێ نەمرە.
دەق پەیامی سەرۆک بارزانی بۆ یادی پەنجا و پێنج ساڵەی ڕێککەوتنامەی یازدەی ئادار:
ڕێككەفتنناما 11ێ ئادارا 1970، دەستكەفتەکا دیرۆکی و گرنگ یا خەباتا گەلێ كوردستانێیە ب ڕابەرایەتییا بارزانیێ نەمر، بۆ ئێکەمین جار حكوومەتا عيراقێ دان ب پشکەک ژ مافێن گەلێ كورد نا و ئەو دەرفەت چێبوو کۆ گەلێ كوردستانێ بكارت كار ل سەر خۆبڕێڤەبرن و بهێزكرنا زمان و كلتوور و دابینكرنا سەقامگیریێ بكەت.
ئەو ڕێككەفتن بەرهەمێ تێكۆشان و خەباتا پێشمەرگە و كەوادیرێن حزب و هەموو تەخ و چوونێن كوردستانێ ل شۆڕشا ئەیلوولێ بوو، هەلگرێ وانەیا ستراتیژی و گرنگ بوو بۆ قۆناغێن پاشتر یێن خەباتا تەڤگەرا ڕزگاریخوازا كوردستانێ و بوویە ئەگەرێ بهێزتربوونا دۆزا ڕەوا یا گەلێ كوردستانێ.
ل بیرئانینا 55 ساڵڤەگەڕا ڕێككەفتنناما یازدێ ئادارێدا هزاران سڵاڤ بۆ ڕۆحا پاك یا شەهیدێن شۆڕشا ئەیلوولێ و هەموو شۆڕشێن كوردستانێ هنارت و پێزانین بۆ هەموو پێشمەرگە و خەباتگێڕێن شۆڕه‌شا ئەیلوولێ هەیە كو ب كۆڵنەدان و پێداگیری و ورەیا وان یا پۆڵایین دەستكەفتێن مەزن بۆ گەلێ خۆ مسۆگەر كر.