ناڤەندا نووچەیان – سەما
سه‌رۆكێ سازييا ئێزديان يا نێڤده‌وله‌تى بۆ به‌ره‌نگاريا جينۆسايدێ رادگه‌هينت، حكومه‌تا عيراقێ ئه‌گه‌ره كو گرنگيدان ب كه‌يسا ئێزديان ل سه‌ر ئاستێ نێڤ ده‌وله‌تى كێمبوويه.
شه‌مبوويێ، 1 ئادارا 2025ێ، حه‌سۆ هورمى، سه‌رۆكێ سازييا ئێزديان يا نێڤده‌وله‌تى بۆ به‌ره‌نگاريا جينۆسايدێ(IYFPG) بۆ سه‌ما راگه‌هاند: ل سه‌ر ئاستێ نێڤ ده‌وله‌تى رۆژ بۆ رۆژێ گرنگيدان ب كه‌يسا جينۆسايدا ئێزديان كێمبوويه، ژبه‌ركو كه‌يسێن بهێزتر هاتينه و ئه‌ڤه وێ چه‌ندێ ناگه‌هينت كو ئێزدى دێ ڕاوه‌ستن، به‌لكو گه‌ره‌كه كار و خه‌بات د به‌رده‌وام بن بۆ بده‌ستڤه‌ئينانا مافێن قوربانيان، هه‌ڤده‌م ژى ئێزديان پێدڤى ب لۆبيه‌كێ بهێزهه‌يه كاريگه‌ريا خۆ ل سه‌ر جڤاكێ نێڤده‌وله‌تى هه‌بت.
حه‌سۆ هورمى، گۆتژى: ئێك ژ ئه‌گه‌رێن دى ئه‌وه حكومه‌تا عيراقێ يا هاريكار نينه دڤى كه‌يسى دا و په‌يڤا جينۆسايدێ ل دژى ئێزديان بكارنائينت و هنده‌ك په‌يڤێن دى دراستا كه‌يسى دا دبێژت، زێده‌بارى چوو دادگه‌هـ بۆ سزادانا تيرۆرستێن داعشێ نه دامه‌زراندينه و ئه‌ڤه ژى شاشيه‌كا مه‌زنه دكه‌ت.
ل سبا 3ی ته‌باخا 2014ێ، تيرۆرستێن داعشێ هێرش کرە سەر قه‌زا شنگال و تاوانێن كرێت ل دژى هه‌موو به‌هايێن مرۆڤايه‌تيێ ل دژى ئێزديان كرن، هه‌تا نوكه ژى چاره‌نڤيسێ زێده‌تر ژ 2هه‌زار ره‌ڤانديان يێ ديار نينه و ب هه‌زار ئاواره ل ناڤا كه‌مپاندا ژيانا خۆ ده‌رباز دكه‌ن و شنگال وێرانكرى مايه.