ناڤەندا نووچەیان – سه‌ما
مالباتێن قوربانیێن ئێزدی یازدە داخوازی پێشکێشی حکومەتا عیراقێ کرن و دبێژن، كه‌يسا جينۆسايدێ هاتيه پشتگوهـ خستن.
مه‌حما خه‌ليل، ئه‌ندامێ په‌رله‌مانێ عيراقێ ل سه‌ر فراكسيۆنا پارتى پێشوازی ل شاندەکێ مالباتێن قوربانیێن ئێزدى ل شنگالێ کر و دیارکر کو دێ هه‌موو داخوازیێن وان يێن پێشكێشكرين گەهینتە لایەنێن په‌يوه‌نديدار و دێ کار کەت ژبۆ چارەسەرکرنا كه‌يسا وان ب هەموو دڵسۆزی و دێ کار کەت دگەل فراكسيۆنا پارتی دیموکراتی کوردستان بۆ گەرەنتيکرنا داخوازیێن وان د دەمەکێ نێزیک دا.
حاجی حەمید تەعلو، ئێک ژ مالباتێن قوربانیان کو هژمارا وان دگەهیتە ٧٧ قوربانی، گۆت: مالباتێن قوربانیان گەلەک ئێش کێشان ژ دەما قرکرنێ ڤە، و حکومەتا عیراقێ گوهـ نەدایە داخوازیێن وان کو جەخت ل سەر لێگه‌ريانا ره‌ڤاندیان و ڤەکرنا گۆرێن ب كۆم و قەرەبووکرنا زیانڤێکەفتیان ب شێوەیەکى دادپەروەرانه دکەن.
هەروەسا تەعلو دوپاتكر، مالباتێن قوربانیان پێدڤی ب هاریکاریێن بلەزن و بانگەوازيێ ل لایەنێن په‌يوه‌نديار دكه‌ين داويێ ب ئێش و ئازارێن وان يێن به‌رده‌وام بينن.
10 ساڵ ل سه‌ر جينۆسايدا ئێزديان ل سه‌ر ده‌ستێ رێكخراوا داعش يا تيرۆرستى ده‌ربازبوون، هێشتا چه‌ندين دۆزه هه‌لاويستى ماينه بێ كو رێگه چاره‌سه‌رى بۆ كێشه‌يان بێته ديتن، ژوانژى باده‌كا گۆڕێن ب كۆم، ره‌ڤاندى و مافێن وان يێن ڕه‌وا يێن هاتينه پشتگوهـ خستن.