ناڤەندا نووچەیان – سه‌ما
سه‌رۆكێ دەستەیا بلندا بنگەهێ لالش ل دهۆكێ ئاشكراكر، بەرهەڤیێن باش هاتینە کرن بۆ گێرانا مەزنترین کۆنفرانسى ل دۆر ره‌وشا ئێزديان ب پشتەڤانیا مەسرور بارزانی، سەرۆکێ حکومەتا هەرێما کوردستانێ.
سه‌عيد جردۆ، سه‌رۆكێ دەستەیا بلندا بنگەهێ لالش يێ ره‌وشه‌نبيرى و كۆمه‌ڵايه‌تى ل دهۆكێ، ئيرۆ دووشه‌مبوويێ 3ى ئادارا 2025ێ، بۆ سه‌ما راگه‌هاند: بنگەهێ لالش ب هەڤکاری دگەل زانکۆیا دهۆکێ و ب پشتەڤانیا مەسرور بارزانی سەرۆکی حکومەتا هەرێما کوردستانێ دێ مەزنترین کۆنفرانسى ل دۆر رەوشا ئێزدیان گێرت.
ده‌رباره‌ى ئاماده‌بوويان، سه‌عيد جردۆ، دبێژت: “هه‌ژمارەکا ڤەکۆلەران ژ زانکۆیێن هەرێما کوردستانێ و عيراقێ و وه‌ڵاتێن بیانی دێ بەشدارى كۆنفرانسى بن و بەحسا ئاین، داب، نەریت، مێژوو و جوگرافیا ئێزدیان ئێتە کرن”.
برياره ل رێككه‌فتى 29- 30/4/2025ێ، كۆنفرانسێ زانستى لژێر ناڤ و نيشانێ (ئێزدى: ئايين،كه‌لتوور- مێژوو و جوگرافيا) ب رێڤه‌بچت.