ناڤه‌ندا نووچه‌يان – سه‌ما
ئيرۆ پێنج شه‌مبوويێ 6ى ئادارا 2025ێ، رێوره‌سمێن جه‌ژنا نيشانا ل به‌ر نيشانگه‌ها خزينه ره‌حمان ل ناحيا باعه‌درێ هاتنه گێڕان.
خه‌لات ئه‌لياس، به‌رپرسێ بنگه‌هێ لالش تايێ باعه‌درێ بۆ سه‌ما راگه‌هاند: ئيرۆ رێوره‌سمێن جه‌ژنا نيشانا ل به‌ر نيشانگه‌ها خزينه ره‌حمان ل باعه‌درێ هاتنه گێڕان، ئه‌و ژى ب ده‌ف و شبابا هلێل هاته سواركرن و سمات دئێته چێكرن.
گۆتژى: ل هێڤارا جه‌ژنێ ب ئاماده‌بوونا بابێ شێخ و زه‌لامێن ئۆلى و خه‌لكێ، قه‌ول و به‌يت تێنه گۆتن و ب رێزكرن.
ئەڤ جەژنه هەر سال دكەفتە ڕۆژا (6/3) ب ساڵناما زایینی، بتنێ ل ناڤ وەلات شێخ دئێتە كرن، ل (خزینه رەحمان) سەربرەكێ دكەنە قوربانی وەك سمات ل ڤێ ڕۆژێ دئێتە دروستكرن، چنكو ئەو نیشانێن ل ڤێ خزينێ ل سەردەمێ سلێمان نەزیف پاشا ل سالا 1913 زایینی هاتنە زڤراندن.
هەتا نهۆ ژی هەر مالەكا ئێزدی نیشان لێ هەبن هەر سال ل ڤێ ڕۆژێ نیشانێن خۆ دبه‌نە لالشێ مۆردكەن ب ئاڤا كانیا سپی و دكەنە جەژنا نیشانا.