ناڤەندا نووچەیان – سەما
ده‌زگه‌هێ خێرخوازيێ بارزانى ده‌ست ب پرۆژێ ئاڤاكرنا هه‌ژماره‌كا خانيان تایبه‌ت بۆ خێزانێن ژنێن بێ مێر و زارۆکێن سێوى كر.
ئارمانجا پرۆژه‌ى پشتگیریکرنا پرۆسه‌یا سه‌قامگیریا ناڤچێ و دووباره ئاڤاکرنا وێ پشتى کو رێکخراوا داعشێ وێرانكرى ل ته‌باخا 2024ێ.
سێ شه‌مبوويێ، 11ى ئادارا 2025ێ، شیرۆ پیر سمۆ، رێڤه‌به‌رێ ده‌زگه‌هێ خێرخوازيێ بارزانى ئۆفيسا شنگالێ، بۆ سه‌ما راگه‌هاند: وه‌ک گاڤه‌کا ئێکێ بۆ سه‌قامگیریا ده‌ڤه‌رێ، ده‌ست ب پرۆژێ ئاڤاکرنا ٢٠ خانیان بۆ ژنێن بێ مێر و سێویان ل کۆمه‌لگه‌ها بورک و گوندێ حه‌ردان ل ناحیا سنوونێ هاتيه كرن.
شیرۆ پیر سمۆ گۆتژى: ” ژڤى پرۆژه‌ى دوو خانى ته‌مامبووينه، ئێک ژوان راده‌ستى خودانى هاتییه کرن و یێ دى دێ ل ده‌مه‌کێ نێزیک ته‌مام بت و راده‌ستى خودانى ئێته کرن، و مه ئه‌ڤ مالبات هه‌لبژارتینه ل سه‌ر بنیاتێ هه‌لسه‌نگاندنا مالباتێن پتر پێتڤى ب رێیا فۆرما تایبه‌ت یا ده‌زگه‌هى.”
ده‌زگه‌هێ بارزانى یێ خێرخوازى ب رێیا ڤێ پرۆژه‌ى بزاڤێ دكهت، ژینگه‌هه‌کا سه‌قامگیر و ئارام بۆ ژنێن بێ مێر و زارۆکێن سێوى دابین بکه‌ت.