ناڤەندا نووچەیان – سەما
د 11 ساڵييا جينۆسايدا ئێزديان دا، سەرۆک بارزانی د پەیامهكێ دا دووپاتكر، ئەوا ل دژی خوشک و برایێن ئێزدی روییدای درێژیا ئەوان زنجیرە کارەساتایە کو ل دژی گەلێ کوردستانێ هاتینە ئەنجامدان، سەرۆک بارزانی دبێژت: پێدڤيه ێدڤیە دەولەتا عێراقێ قەرەبوویا قوربانیێن کارەساتا شنگالێ و هەمی جینوسایدان بکەت کو ددەرهەق گەلێ کوردستانێ دا هاتینە ئەنجامدان.
دەقێ پەیاما سەرۆک بارزانی:
ئەو تاوانا تیرۆرستێن داعش یازدە سالا بەریا نوکە ل دژی خوشک و برایێن مە یێن ئێزدی ئەنجامدای تاوانەك بۆ هەمی سنورێن نەمەردی و دڕندەیی دەربازکربوون، ئەڤ ئازارە چجاران ژبیرامە ناچت.
قەدەرا گەلێ کورد ئەوبوو هەردەم دۆژمنێن دلرەق و بێویژدان هەبوون، و کارەسات پشتی کارەساتێ بەرۆکێ گەلێ کوردستانێ گرتیە ئەوا ل دژی خوشک و برایێن ئێزدی روییدای درێژیا ئەوان زنجیرە کارەساتایە کو ل دژی گەلێ کوردستانێ هاتینە ئەنجامدان.
ل دەڤ هەمی کەسەکێ ئاشکرایە ئێزدییان ژبەر کوردبوون و بیرووباوەرێن وان یێن ئاینی کەفتنە بەر شالاوا رەق و بێویژدانیا تاوانباریا داعش و هاتنە جینۆسایدکرن.
پشتی ڕویدانا ئەوێ کارەساتێ ل سەر دەستێ تیڕۆرستێن داعش، گەلێ کوردستانێ و پێشمەرگان ب دل و گیان دگەل خوشک و برایێن خۆ بوون و ئەوا ژ دەستێ وان هاتی بۆ ڕزگارکرنا ئاواران و ئازادکرنا شنگالێ و چیایێ شنگالێ ئەنجامدا.
ل ڤیرە ڕۆلێ هێزا پێشمەرگێن کوردستانێ و هەمی ئەوان قارەمانان بلند دنرخینین کو مێژوویەکا پڕشنگدار تۆمارکر بۆ ئازادکرنا چیایێ شنگال و شنگالێ خوینا خۆ بەخشی و تولە ژ تیرۆرستێن داعش ڤەکر سەرێ تیرورستان ئێخستە د بن پێن ئێزدییان ڤە.
هەروسا زۆر سوپاسیا هێزێن هەڤپەیمانان دکەین کۆ د هاریکاریکرنا پێشمەرگان و شکاندنا داعشدا ڕۆلەک بەرچاڤ بینی.د یازدەمین سالیادا کارەساتا شنگالێدا سلاڤ بۆ گیانێ شەهیدان و قوربانیێن ئەوێ تاوانێ و هەمی تاوان و کۆمکوژیان دهنێرین کۆ بسەر گەلێ کوردستانێدا هاتین، پێدڤیە دەولەتا عێراقێ قەرەبوویا قوربانیێن کارەساتا شنگالێ و هەمی جینوسایدان بکەت کو ددەرهەق گەلێ کوردستانێ دا هاتینە ئەنجامدان.
پێدڤیە دوماهی ب هزر و رەفتارێن شوفێنی بهیتە ئینان کو هەر جار ب بهانەیەکێ و ب عەقلیەتەکا نەمرۆڤانە و نکۆلکاری گەلێ کوردستانێ دهێتە ئازار دان.
مسعود بارزانی 3ی ئابی 2025