ناڤەندا نووچەیان – سەما
ئيرۆ ئێك شه‌مبوويێ 9-3-2025ێ، “د.عه‌لی ته‌ته‌ر” پارێزگارێ دهۆكێ ب هه‌لكه‌فتا ٨ى مارسێ، ڕۆژا جیهانی یا ئافره‌تان پێشوازی ل هه‌ژماره‌كا ئافره‌تان كر.
ل گۆڕه‌ى راگه‌هاندنا پارێزگه‌هێ به‌لاڤكرييه؛ د كۆمبوونه‌كێ دا پارێزگارى به‌حسێ ڕۆلێ ئافره‌تا كورد د بوارێن جودایێن كۆمه‌لگه‌هێ دا ب تایبه‌ت د قۆناغێن شۆره‌شێن ئێك ل دووڤ ئێك و سه‌ركه‌فتنێن ئافره‌تێن كورد د بیاڤێن جوداجودا دا و پاراستنا مافێن ئافره‌تێ و نه‌هێلانا توندوتیژیێ و رێزگرتنێ ل ئافره‌تێ كر.
هه‌ر ب ڤێ هه‌لكه‌فتێ پارێزگارێ دهۆكێ د كۆنگره‌كێ ڕۆژنامه‌ڤانی دا پیرۆزباهی ل هه‌موو ئافره‌تێن كوردستانێ كر.
پاشان هه‌شت ئافره‌تێن خودان به‌هره و كار د بیاڤێن جودادا ژ شه‌ش قه‌زایێن پارێزگه‌ها دهۆكێ و قه‌زا شنگالێ و ڕۆژئاڤا د چارچووڤێ به‌رنامێ سالانه یێ پارێزگه‌ها دهۆكێ دا خه‌لاتكرن و پیروزباهی ل هه‌موویان كر و خواست ببنه نمونه‌یێن ئافره‌تێن سه‌ركه‌فتی و به‌رده‌وام بن د كارێن خۆدا.