ناڤەندا نووچەیان – سەما
سەرۆکوەزیران مەسرور بارزانی، دوپاتكر، گەلێ کوردستانێ ب هەموو شێوەیەکی داکوکیێ ل مافێن دەستووری دکەت و ب پێدڤى زانى، كێشه‌يێن هه‌ولێر و به‌غدا ب شێوه‌يه‌كى بنه‌ره‌تى بێنه چاره‌كرن.
سێ شه‌مبوويێ، 11-03-2025، مەسرور بارزانی، سەرۆکی حکومەتا هەرێما کوردستانێ، پەیامه‌ك ب هه‌لكه‌فتا ساڵیادا ڕێککەفتنامەیا 11ـی ئادارا 1970 به‌لاڤكر.
سەرۆکی حکومەتا هەرێما کوردستانێ ئاماژه ب وێ چه‌ندێ دا، ئەڤرۆ بیرا خۆ ل دەستکەفتەکێ گرنگ و مێژوویێ شۆرەشا مەزنا ئیلونێ ب ڕابەراتیا ڕێبەرێ مە یێ نیشتمانی بارزانیێ نەمر دئینین.
سەرۆکوەزیران دڤێ يادێ دا دوپاتكر، گەلێ کوردستانێ هەردەم خوازیارێ گەهشتنە ب مافێن خۆ یێن ڕەوا ب ڕێکا گۆتۆبێژ و شێوازێ ئاشتییانە، بەلێ ب هەموو شێوەیەکی ژی داکوکیێ ل مافێن دەستووری دکەین و دەستبەردار ژی نابین.
مه‌سرور بارزانى، دپشكه‌كا دى يا په‌ياما خۆ دا، ته‌كه‌زيێ ل چارەسەریا بنەڕەتی و ئێک چارەسەریا ئارەشەیێن خۆ ل گەل حکومەتا فیدرال لسەر بنەمایێ ڕێزگرتن ل دەستوور و ڕێککەفتنان و قەوارێ دەستووریێ هەرێما کوردستان دکەین.