ناڤەندا نووچەیان – سەما
مير حازم ته‌حسين به‌گ، ميرێ ئێزديان ل كوردستان و جيهانێ و سه‌رۆكێ جڤاتا روحانى يا بلند يا ئێزديان، ب هه‌لكه‌فتا هه‌يڤا ره‌مه‌زانێ نانخوارنه‌ك بۆ ژماره‌كا كونسول و نوونه‌رێن نێڤده‌وله‌تى و كه‌سايه‌تيێن حكومى ل هه‌ولێرێ به‌رهه‌ڤكر.
د په‌راوێزا ڤێ ناخوارنێ دا، ميرێ ئێزديان ئاماژه دا گرنگيا ڤان كۆمبوونان و ته‌كه‌زكر كو ئه‌ڤ جۆرە كۆمڤه‌بوون نیشانا گیانێ حەزکرنێ، لێبوورینێ و ئاشتیێ نە.
ميرێ ئێزديان گۆت: سالانە ئه‌م پابەندین ب پێشکێشکرنا ڤان نانخوارنان داكو هەڤگرتنا برایەتیێ دناڤبەرا مە و موسلمانان دا خورت بكه‌ين و ب ئامادەبوونا هەموو پێکهاتێن جڤاکى.
ميرى دئاخفتنا خۆ دا دوپاتكر، نابت ئەم هەلویستێ خەلکێ کوردستانێ دگەل ئێزدیان د دەمێ جينۆسايدا واندا ژبیر بکەین، و چاوا هەموویا دەرگەهێن خۆ، مزگەفت و کەنیسە و قوتابخانە ڤەکرن بۆ ئاوارێن ئێزدی و جهێ مانێ و خوارن و ڤەخوارن بۆ وان دابینکرن.
هه‌روه‌سا دیارکر، پێکڤەژیانا ئاشتیانە، لێبوورین، ئاشتی و رێزگرتنا باوەرێن ديتر ژ ناڤەرۆکا فێرکرنێن ئۆلا مە نە، و ئەڤە تشتەکە مە ژ باب و باپیرێن خۆ یێن کەڤن فێر بووی.