بنگەهێ لالش زارۆکێن کۆچبەرێن عەفرینێ خەلاتکرن
سه‌ما:
ب هه‌لكه‌فتا ڕۆژا جيهانى يا زارۆكان،بنگه‌هێ لالش تايێ شێخان چه‌ند چالاكى ئه‌نجامدان و هه‌ژماره‌كا زارۆكان ژى هاتن خه‌لاتكرن.
ب مه‌ره‌ما په‌يداكرنا گڕنژینێ ل سەر دێم و لێڤێن زاڕۆکا كو پاشەڕۆژا هەموو مللەتانە،ئيرۆ ڕۆژا شەمبوویێ ئيكى حوزه‌يرانێ،ب ئاماده‌بوونا “صادق قاسو علو” بەرپرسێ لیژنا ناوچا شێخان و “مه‌روان عه‌لی” بەرپرسێ ڕێکخراوا (لیلی قاسم ) یێن پارتی و سه‌ميانێن زارۆکا،بنگه‌هێ لالش تايێ شێخان ڕۆژا جيهانى يا زارۆكان ب چه‌ند چالاكيان ساخكر.
ل ده‌ستپێكێ بەيڤێن بخێرهاتنێ و پیرۆباهیێ ژلایێ ئازاد موراد بەرپرسێ بنگەهێ لالش تایێ شێخان و صادق قاسو علو هاتنە پێشكێشكرن.
لدووڤدا ديارى ل سەر هه‌ژمارەکا زارۆكێن كوڕ و كچێن کۆچبەرێن عەفرینێ يێن ل قەزا شێخان ئاكنجى هاتنه به‌لاڤكرن.
سالانه ئه‌ڤ بيره‌وه‌رى ژلايێ بنگەهێ لالش ب چه‌ندين چالاكيێن جۆرا و جۆر دئێته ساخكرن.
