ناڤهندا نووچهیان – سهما
مير حازم تهحسين بهگ، ميرێ ئێزديان ل كوردستان، عێراق و جيهانێ، جوانترين و گهرمترين پيرۆزباهييان پێشكێشى ههموو هێزێن سياسى يێن كورسى ل ههڵبژارتنێن جڤاتا نوونهرێن عێراقێ بۆ خۆلا شهشێ بدهستڤهئيناين كر.
دپهياما ميرێ ئێزديان دا هاتييه: ژ دڵ و جان وب تايبهت پيرۆزباهييێ ل سهرۆك مهسعود بارزانى و سهركردايهتيا پارتى ديموكراتى كوردستان دكهم، كو ليستا پارتى زێدهترى مليۆن دهنگان دڤان ههڵبژارتنان دا بدهستڤهئينان.
ههروهسا پيرۆزباهييێ ل ئێزديان دكهم ئهوێن سهركهفتين و كورسى بدهستڤهئيناين دڤان ههڵبژارتنان دا.
ميرێ ئێزديان ئاماژه ب وێ چهندێ دا، گرنگە تهكهزى ل سەر بهێزکرنا دیموکراسيێ بێته كرن د پرۆسەیا سیاسى دا و پێدڤيه دانوستاندن ڕێسا بت بۆ چارەسەرکرنا کێشەيان و دهربازكرنا ئاستهنگيان.
د ههمان دهمدا دووپاتكر، پێدڤيه لهز بۆ گرێدانا ڕوونشتنا ئێكێ يا خۆلا شهشێ و پێكئينانا حكومهتا داهاتى يا عێراقێ بێته كرن، ژبۆ دابينكرنا خزمهتگۆزاريان و گهرهنتيا ژيانهكا باشتر بۆ وهڵاتيان.
گۆتژى: دخوازين شنگال و دهڤهرێن ئێزديان جهێ گرنگيدانا پهرلهمان و حكومهتا نوو يا عێراقێ بن، ژبۆ گهرهنتيا ئارامى و ئێمناهيێ و ژيانهكا ب سهر بڵندانه بۆ وهڵاتيێن شنگالێ.