ناڤەندا نووچەیان – سەما
قۆناغا داویێ یا نوژەنکرنا مەزارگەهێ شێخی زەری ل گوندێ رەبیبیا کەڤن ل ناحیا خانکێ تمام بوو.
پێنج شه‌مبوويێ، 13ى ئادارا 2025ێ، صباح سمير، مجێورێ مه‌زارگه‌هێ شێخی زەری ل ناحيا خانكێ بۆ سه‌ما گۆت: د چارچۆڤێ بزاڤێن پاراستنا جهـ و مەزارگەهێن ئایینی و کەلتووری دا، ئيرۆ قۆناغا داویێ یا کارێن نوژەنکرنا مەزارگەهێ شێخی زەری ل گوندێ رەبیبی یا کەڤن هاتنە تمامکرن.
ديار ژى كر، ئەڤ مەزارگەهە ب پشتەڤانیا خێرخوازێن ئێزدیان هاتە نووژەنکرن، ژبۆ دووپاتکرنا گرنگیا پاراستنا جهێن ئایینی و نوژەنکرنا وان، ژبۆ بهێزکرنا ناسنامەیا ئایینی و دیرۆکی یا جڤاکا ئێزدی.
مجێورێ مه‌زارگه‌هێ شێخی زەری دا زانين ژى، ل ده‌مه‌كێ نێزيك درێوره‌سمه‌كا ژ هه‌ژى دا دێ مه‌زارگه‌هـ ئێته ڤه‌كرن.
ب هاريكاريا خه‌لكێ و خێرخوازێن ئێزدى دووباره ده‌ست ب نووژه‌نكرنا مه‌زارگه‌هێ هاته كرن ڤه و ب شێوازه‌كێ جوان و كه‌ڤنار وه‌كى خۆ مايه.
مه‌زارگه‌هێ شێخێ زەری ل سه‌ر ده‌ستێ خودێ ژێ رازى شێخ زه‌يدين شێخێ شه‌مسايه دبته بابێ قه‌ولبێژ شێخ ده‌شتى، ل 15/6/1982 هاتيه ئاڤاكرن.