ناڤه‌ندا نووچه‌یان – سه‌ما
په‌رله‌مانتاره‌كێ ئێزدى زانياريان ل دۆر هه‌ژمارا ره‌ڤانديێن ئێزدى ل كه‌مپا هۆلێ و زيندانێن سوووريێ دا ئاشكه‌را دكه‌ت.
مه‌حما خه‌ليل، ئه‌ندامێ په‌رله‌مانێ عيراقێ ل سه‌ر فراكسيۆنا پارتى ديموكراتى كوردستان راگه‌هاند: زانیاری گه‌هشتينه وان نێزیكى 600 كچ و ژنێن ئێزدی ل ناڤ كه‌مپا هۆڵێ دانه، خێزانێن وان گه‌له‌ك بزاڤ كرينه و د بێ ئه‌نجام بوون، ژبه‌ركو كه‌مپا هۆڵێ گه‌له‌ك پاشماوه‌یێن داعشێ بخۆڤه گرتينە، به‌لێ ئه‌م ده‌ستان به‌رناده‌ين و نڤيساره‌كا فه‌رمی ئاراسته‌ی هه‌ر ئێك ژ محه‌مه‌د شیاع سودانی سه‌رۆوه‌زيرێ عيراقێ و قاسم ئه‌عره‌جی و راوێژكارێ ئاسايشا نشتيمانى يا عيراقێ كريه، بۆ هندێ هه‌موو شيانێن خۆ بێخنه كار بۆ ڕزگاركرنا كچ و ژنێن ئێزدی.
ئه‌ندامێ په‌رله‌مانێ عيراقێ دوپاتكر، بڕیاره نامه‌یه‌كێ ئاراسته‌ی خاچا سۆرا نێڤ ده‌وڵه‌تی و عيراقێ بكه‌ین، بۆ هندێ ئه‌و ژى ب ڕێيا خۆ بزاڤێن رزگاركرنا وان بده‌ن.
ناڤبرى ئاشكراكر:” تا نوكه دوو ژ زیندانیێن ئێزدی ڕزگاربووينه، لدووڤ ئه‌وێن دى ژى د‌گه‌ڕێین هه‌تا هه‌موویان ڕزگار بکەین”.