ناڤهندا نووچهیان – سهما
د. ئیلهان كیزیلهان، ژبهر رۆلێ وی د بیاڤێ چارهسهرییا دهروونی دا، ژ لایێ وهزارهتا دهرڤه یا ئهلمانیا ڤه هاته خهلاتكرن و ب تایبهت چارهسهرییا دهروونی ژ بۆ كچ و ژنێن ئێزدی یێن ژ دهستێ داعش رزگاربووین.
ئهو خهلات ب ناڤێ ( خاچی شایستهی فیدرال ) و ژ ئالیێ ئهنالینا بێربۆك، وهزیرا دهرڤه یا ئهلمانیا، ب وی هاتی دان.
دهرباری ڤێ چهندێ، د. ئیلهان وهسا گۆت: “سهرهرای ههموو شهڕ و نهخۆشیێن ل جیهانێ ههین، د چهند سالێن دهربازبوویی دا ژبۆ ئاشتی و چارهسهرییا دهروونی، مه كاری ئهم كارهكی مهزن بكهن و ئهڤ خهلات دێ پالدهر بت ژبۆ من زێدهتر د ڤی بیاڤی دا خزمهتێ پێشكێشی مرۆڤاتیێ بكهم.”
زێدهتر گۆت: “د چهند سالێن دهربازبوویی دا مه كاری ههزار و 100 ئێزدیان ببهينه ئهلمانیا و ل كوردستانێ ژی هاریكارییا زێدهتر ژ 12 ههزار كهسان بكهين، ب تایبهت ئهوێن دۆخێ وان یێ دهروونی تێكچوویی.”
د. ئیلهان كیزیلهان، ژ بنهمالهكا ئێزدييه ل باژێرێ باتمانێ ل باكوورێ كوردستانێ ژ دایكبوویه و ل تهمهنێ ههفت سالیێ دا، دگهل دایك و بابێ خۆ، چوویه وهلاتێ ئهلمانیا و ژبۆ خواندنێ چوویه وهلاتێ ئهمریكا ژی.