ناڤه‌ندا نووچه‌یان – سه‌ما
ميرێ ئێزديان ل كوردستان، عيراق و جيهانێ بريارا ئه‌نجوومه‌نێ وه‌زيرێن عيراقێ بۆ كوژاندنا 100% يا كوژمێ كرينا پارچه‌يێن ئه‌ردى ل كۆمه‌لگه‌هێن ئێزديان ل شنگال و به‌عاج بلند دنرخينت.
مير حازم ته‌حسين به‌گ، ميرێ ئێزديان دبه‌ياننامه‌يه‌كێ دا راگه‌هاند: ئه‌ڤ پێنگاڤا ژلايێ ئه‌نجوومه‌نێ وه‌زيرێن عيراقێ ڤه هاتيه هاڤێتن، دبه پالده‌ر بۆ ڤه‌گه‌ريانا ئێزديان بۆ سه‌ر ده‌ڤه‌رێن خۆ و دووباره لێ بژين.
هه‌روه‌سا ته‌كه‌زى ل سه‌ر گرنگيا ڤان جۆره برياران كر وه‌ك پشته‌ڤانى بۆ جڤاكێ ئێزدى ژبۆ هايداربوون ل سه‌ر ژين و ژيار و دادمه‌نديا وان ژبه‌ر جينۆسايدا بسه‌رێ واندا هاتى ل ته‌باخا 2014ێ.
ميرێ ئێزديان دوپاتى ل سه‌ر گرنگيا زێده‌تر يا پشته‌ڤانيێ كر بۆ به‌رقراربوونا ره‌وشا شنگالێ ژلايێ ئێمناهيێ ڤه و خواست بزاڤێن زێده‌تر بكه‌ن بۆ ده‌ستپێكرنا هه‌وا ئاڤه‌دانكرنا شنگالێ داكو كاودان گونجاى بن بۆ ڤه‌گه‌ريانا ئاواره‌يان و تمامكرنا مه‌زاختنا قه‌ره‌بوونا زيانڤێكه‌فتيان.
لدووڤ بريارێ، هه‌ر كه‌سێ پارچه‌كا ئه‌ردى يا چاندنێ ئاڤا بكه‌ت و ل ده‌مێ دئێته ڤه‌گه‌راندن بۆ باژێرڤانيێ، رسومات 100% ژێ نائێنه وه‌رگرتن.