ناڤه‌ندا نووچه‌يان – سه‌ما
ئيرۆ پێنج شه‌مبوويێ 24ى نيسانا 2025، “د.عه‌لى ته‌ته‌ر” پارێزگارێ دهۆكێ پێشوازى ل سه‌عيد جردۆ، سه‌رۆكێ بنگه‌هێ لالش ل دهۆكێ و داود موراد خه‌تارى، ئه‌ندامێ ده‌سته‌يا بلند و لیژنا ئاماده‌كار یا كۆنفرانسێ زانستى یێ نێڤده‌وله‌تى ل دۆر ئایينێ ئێزدیان كر.
دهه‌ڤدیتنه‌كێدا به‌حسێ ئه‌جیندایێن كۆنفرانسى وبه‌رهه‌ڤیێن هاتینه كرن بۆ گێرانا كۆنفراسى كو بریاره ل ڕۆژێن29-30ى نيسانا 2025ێ ل هۆلا كونفرانسان ل زانكۆیا دهۆكێ بێته ئه‌نجامدان ب گشتى هاته كرن.
پارێزگارێ دهۆكێ خوشحالیا خۆ ب ئه‌نجامدانا كۆنفرانسى دیاركر و ده‌ستخۆشى ل لیژنا ئاماده‌كار كر و پشته‌ڤانیا پارێزگه‌هێ نیشان دا بۆ هه‌ر هاریكاریه‌كێ.
بۆ زانين، كۆنفرانس ب چاڤدێریيا رێزدار مه‌سرور بارزانى، سه‌رۆكێ حكومه‌تا هه‌رێما كوردستانێ و ژلایێ بنگه‌هێ لالش یێ ره‌وشه‌نبیرى وكۆمه‌ڵایه‌تى وب هه‌ڤكارى دگه‌ل زانكۆیا دهۆكێ دێ ئێته گێڕان وچه‌ندین ئه‌كادیمى ل ناڤ و ژده‌رڤه‌ى هه‌رێما كوردستانێ دێ پشكداریێ تێدا كه‌ن و ڤه‌كۆلینێن زانستى ل دۆر ئایين وكه‌لتوور ر ومێژوو و جوگرافیا ئێزدیان پێشكێشكه‌ن.