ناڤەندا نووچەیان – سەما
پشكه‌كاخەلکێ کۆمەلگەها گرزەرک ل باشوورێ شنگالێ ڤه‌گه‌رياينه سه‌ر مال وحالێ خۆ ڤه و ژبەر نەبوونا خزمەتگۆزاریێن دەستپێکى دناڵن.
کۆمەلگەها گرزەرک ب درێژاهیا 20کيلۆمه‌راتن دکەفتە باکوورێ قەزا بەعاج و ژ روويێ ئیداری ڤە بسەر ناحیا گرعزێر ڤەیە ل باشوورێ شنگالێ.
یاسر سەبری، پشتی ١٠ سالێن ئاوارەبوونێ دگەل مالبەتا خۆ ڤەگەریایا گرزەرک بۆ سەما گۆت: “نێزیكى سالەکێ یە ژ ئاوارە بوونێ ڤەگەریاينه جهێ خۆ، لێ مخابن د نوكه دا چ جۆرە خزمەتگۆزاريه‌ک نینە و ژیانا مە د ناڤ کاڤلێن وێران و پشتگوھ هاڤێتنا حکومەتێ دا دەرباز دبت”.
د دووڤچوونا کەنالێ سەما دا سەبارەت ب ڤی بابەتی بەشەک ژ خەلکێ وێ کۆمەلگەهێ دبێژن: ” نە بتنێ ژ ئالیێ خزمەتگۆزاریان ڤە ئەم هاتینە پشتگوھ هاڤیتن، بەلکو چ رۆلێ فەرمانگەهێن حکومەتێ ژی وەک پێدڤی ل ده‌ڤه‌را وان نینە”.
ب گۆڕه‌ى ئاماران به‌رى سالا 2014ـێ ژمارا ئاکنجیێن وێ کۆمەلگەهێ نێزیکی 18000 هەزار کەسان بوو، پتریا وان ئێزدی بوون.
نوكه بتنێ ٦٠ خێزان ژ ئاوارەبوونێ ڤەگەریاينه کۆمەلگەهێ و ب دەستێ بەلنگازیێ و پشتگوھ هاڤێتنا حکومەتێ و ڕێکخراوان دناڵن.
ل ته‌باخا سالا 2014ێ، رێكخراوا داعش يا تيرۆرستى هێرشى قه‌زا شنگالێ كر و دئه‌نجامدا زێده‌ترى هه‌زار وه‌لاتيێن ئێزدى هاتنه كوشتن و ب هه‌زاران ئاواره‌ى ده‌ڤه‌رێن ئارامێن هه‌رێما كوردستانێ بوون.