ناڤەندا نووچەیان – سەما
د ڕۆژهكا وهكو ئيڕۆدا ل 1-10-2025، بابا شێخ، ناڤێ ئەوی یێ دروست (خرتۆ حاجی ئیسماعیل) سەرۆکێ جڤاتا ڕۆحانی یا ئێزدیان و ب بابێ ڕۆحانی یێ ھەموو ئێزدییێن جیھانێ دهاته نیاسین، د تهمهنێ 87 ساڵیێ دا قهدهم گوهاست.
بابا شێخ وەك ڕێبەر و مهزنێ ئۆلا ئێزدیان، ژیانا خۆ بۆ خزمەتكرنا ئێزدیاتیێ تەرخانكر و ساڵانێن دوور و درێژ يێن تەمەنێ خۆ بۆ كاروبارێن ئۆلى و جڤاكا ئێزدیان دا تهرخانكربوو، ڕۆڵهكێ كاریگەر ههبوو بۆ پێكڤەژیانێ و ئێكدووقهبوولكرنێ و شوون دەست و خزمەتا وى ھەر دێ مينت.
بابا شێخ” خرتۆ حاجی ئیسماعیل” ژ بنهمالهكا ئۆلى ژ باب و پاپيران ل گوندێ “ئێسڤنێ” ل قهزا شێخان ژدايكبوويه و دبته بابێ ڕۆحانى يێ ئۆلا ئێزديان ژ ساڵا 1995وهره.
بابا شێخ کەسایەتییەکێ دیار و خودان پێگەههکێ گرنگ بوو ل هەرێما کوردستانێ و جیهانێ دا، ڕۆڵهكێ بەرچاڤ بۆ پێشڤهبرنا پێكڤهژيانا ئۆلى ل هەرێما کوردستانێ هەبوو.
ههروهسا “بابا شێخ” كەسایەتییەكێ ئاشتیخواز و خەمخۆڕ و نیشتیمانپەروەرێ كوردستانێ بوو كو د ههر بارودۆخهكى دا هۆكارێ خێرخوازی و چارەسەركرنا كێشەيان بوو ل ناڤ ئێزديان و بۆ بهڵاڤكرنا تەبایی و پێكڤهژیانێ درێغی نەكريه.
د هەمان دهمدا “بابا شێخ” هێمایەكێ ئۆلى و مەعنەوی بوو، ژ دەستدانا وى خوسارهتهكا مهزن بوو بۆ ئێزديان و ههرێما كوردستانێ.
ژ ئەگەرێ نەخۆشییا گولچیسکان ل نەخۆشخانەیەکا باژێڕێ ھەولێرێ بابا شێخ قهدهم گوهاست و ل “مەھدەرا بۆزا” ل دەڤەرا شێخان هاته ڤەشارتن.