ناڤه‌ندا نووچه‌يان – سه‌ما
پێنج شەمبوويێ، 24-04-2025، مەسرور بارزانی، سەرۆکێ حکومەتا هەرێما کوردستانێ، پێشوازی ل سایمۆن مینکس، داواکارێ گشتیيێ هۆڵەندا بۆ ڕووبڕووبوونا تیرۆرێ و توندڕەوییێ و تاوانێن نێڤدەولەتی کر.
حكومه‌تا هه‌رێما كوردستانێ د راگه‌هاندنه‌كێ دا دياركر، سەرۆکوەزیران مەسرور بارزانی سوپاسییا سایمۆن مینکسی کر کو بۆ چەندین سالان کار ل سەر دۆسەییێن جينۆسایدێ و تیرۆرێ کریە، ژوان ژی بكارئینانا چەكێ کیمیایی ژلایێ ڕژێما پێشتر یا عیراقێڤە و تاوانێن تیرۆریستێن داعشێ بەرامبەر ئێزدییان.
ئاماژه ب وێ چه‌ندێ دا، سەرۆک وەزیرێن هەرێما کوردستانێ هەروەسا کار و بزاڤێن وی ل پێناڤی بدەستڤەئینانا دادپەروەرییێ بۆ قۆربانیيێن وان تاوانان، بلند نرخاندن.
د پشكەكا دی یا دیدارێدا، باس ل دیرۆكا تاوانێن جێنۆسایدێ ل کوردستانێ و عیراقێ و پێویستییا ب سزاگەهاندنا تاوانباران هاتە کرن.