په‌یاما بنگه‌هێ لالش ب هه‌لكه‌فتا جه‌ژنا ره‌مه‌زانێ
تۆرا لالش
بنگه‌هێ لالش یێ ره‌وشه‌نبیری و كۆمه‌لایه‌تی ب هه‌لكه‌فتا هاتنا جه‌ژنا ره‌مه‌زانێ په‌یامه‌ك به‌لاڤ كر.
ئه‌م ب ناڤێ ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى و ته‌ڤايا تايى و نڤيسينگه‌هێن خۆ، جوانترين و گه‌رمترين پيرۆزباهیيان ئاراسته‌ى موسڵمانێن كوردستانێ و عيراقێ و جيهانێ دكه‌ين، هيڤيخوازن سالا خێر و خۆشيێ بت بۆ هه‌موو پێكهاتێن گه‌لێ كوردستانێ.
ژ خودایێ مه‌زن دخوازین ئەڤێ جەژنێ بکەتە جەژنا خێر و خۆشیێ، هیڤیدارين خوشك و برایێن مه یێن موسڵمان ڕۆژێن جه‌ژنێ د ره‌وشه‌كا ئارام ده ب شادى و خۆشێ ب بۆرینن.
هه‌ر ب ڤێ هه‌لكه‌فتێ ئه‌م جه‌ژنا مالباتێن سه‌ربلندێن شه‌هيدا و پێشمه‌رگه‌هێن قه‌هره‌مان پيرۆز دكه‌ين و هيڤيخوازین ئه‌ڤ جه‌ژنه ببته هێڤێنێ بتر خورتكرنا پرۆسێسا پێكڤه‌ژيانێ ل كوردستانێ.
دووباره جه‌ژنا وه پیرۆز و كوردستان هه‌ر ئاڤه‌دان بت.
ده‌سته‌يا بلندا بنگه‌هێ لالش یێ ره‌وشه‌نبیری و كۆمه‌لایه‌تی/دهۆك
29-3-2025