ناڤه‌ندا نووچه‌يان – سه‌ما
ب به‌شداريا چه‌ندين ڤه‌كۆله‌رێن ناڤخۆ و بيانى، مه‌زنترين كۆنفرانسێ ئێزديان لژێر ناڤ و نيشانێ (ئێزدى: ئايين، كه‌لتوور- مێژوو و جوگرافيا) دێ ئێته گێران.
سه‌عيد جردۆ، سه‌رۆكێ ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌ڵايه‌تى ل دهۆكێ بۆ سه‌ما راگه‌هاند: ب پشته‌ڤانى و چاڤدێريا سه‌رۆكێ حكومه‌تا هه‌رێما كوردستانێ رێزدار مه‌سرور بارزانى، مه‌زنترين كۆنفرانسێ ئێزديان لژێر ناڤ و نيشانێ (ئێزدى: ئايين، كه‌لتوور- مێژوو و جوگرافيا) دێ ئێته گێران.
سه‌رۆكێ بنگه‌هێ لالش ئاشكراكر: د نوكه دا بنگەهێ لالش ب هەڤکاری ل گه‌ل كوليژا زانستێن مرۆڤايه‌تى ل زانکۆیا دهۆکێ، بەرهەڤیێن باش بۆ ئه‌نجامدانا كۆنفرانسى كرينه كو برياره ل رۆژێن 29-30/4/2025ل هۆلا كۆنفرانسان ل زانكۆيا دهۆكێ ب رێڤه‌بچت.
سه‌عيد جردۆ، باس ل وێ چه‌ندێ كر، چه‌ندين ڤەکۆلەر ژ زانکۆیێن هەرێما کوردستانێ و عيراقێ و وه‌ڵاتێن جيهانێ دێ به‌شدارى كۆنفرانسى بن.
تا نوكه ل 12 وه‌لاتان ڤه‌كۆلينێن زانستى پێشكێشى كۆنفرانسى هاتينه كرن.
ل پتريا زانكۆيێن عيراقێ، ڤه‌كۆلەران ڤه‌كۆلينێن خۆ پێشكێشى لیژنەیا زانستی يا كۆنفرانسى كرينه.