سه‌ما
سپێده‌هيا ئيرۆ ل بنگه‌هێ لالش تايێ شێخان پرۆسه‌يا پێدانا مينحه‌يا دارايى ژلايێ سه‌رۆكێ حكومه‌تا هه‌رێمێ ل سه‌ر رزگاربوويێن ژ ده‌ستێ داعشێ ده‌ستپێكر.
ل ڕۆژا سێ شه‌مبوويێ 6ى ته‌باخا 2024ێ، ل بنگه‌هێ لالش تايێ شێخان و ب ئاماده‌بوونا ليژنه‌كا تايبه‌ت پرۆسه‌يا دابه‌شكرنا مينحه‌يا دارايى ل سه‌ر رزگاربوويێن ژ ده‌ستێ داعشێ ده‌ستپێكر و تا ده‌مژمێر 6ى ئێڤارى دێ به‌رده‌وام بت.
ڕزگاربوویێن ل شێخان و دەوروبەران ئاکنجی دێ ل بنگه‌هێ لالش مينحه‌يا دارايى وه‌رگرن.
سێيه‌م ڕۆژه پرۆسه‌يا دابه‌شكرنا مينحه‌يا دارايى بسه‌ر ڕزگاربوويان دا ده‌ستپێكريه،هه‌ر ڕزگاربوويه‌ك دێ ل ده‌ڤه‌را خۆ مينحه‌يێ وه‌رگرت،هه‌روه‌سا سبه‌ى رێككه‌فتى 7/8/2024ێ دێ ل كۆمه‌لگه‌ها دێره‌بوونێ ده‌ست پێ كه‌ت.
ب بريارا رێزدار مه‌سرور بارزانى، سه‌رۆكێ حكومه‌تا هه‌رێما كوردستانێ، هاريكاريا دارايى دێ ل سه‌ر 3575رزگاربوويێن ئێزدى ژ ده‌ستێ داعشێ ئێته به‌لاڤكرن.
مينحه‌يا دارايى هه‌ردوو ڕه‌گه‌زان ژ كچ و ژن و زه‌لام و زارۆكان ب خۆڤه دگرت،ب ڕێيا تايى و نڤيسينگه‌هێن بنگه‌هێ لالش دئێته به‌لاڤكرن.
به‌لگه‌نامه‌يێن پێدڤى بۆ وه‌رگرتنا مينحه‌يا دارايى ل سەنتەرێن دابەشکرنێ ب ڤى ره‌نگێ ل خوارێ نه:
– کارتا نیشتیمانی. (ئەگەر هەبت)
– ڕەگەزناما عیراقی.
– ناسناما بارێ شارستانی.
– پاسەپۆرت.
– دوو وێنەیێن مامەڵەیان(معاملات)
– کتابا جینۆسایدێ( نڤیسارا پشتراستکرنێ)
– کیتابا مخطوفاتا(نڤیسارا پشتراستکرنێ)
– (3 ژمارەیێن) تەلەفونێن کەسانێن نێزیکی ڕزگاربوویان.
