ناڤەندا نووچەیان – سەما
تيما كارى به‌رده‌وامه ل سه‌ر كارێ خۆ يێ مه‌يدانى بۆ تۆماركرنا ئاواره‌يان و ده‌رێخستنا كارتا نشتيمانى، دگه‌ڕا ئێكێ دا كه‌مپێن شاريا، خانكێ، قاديا، كه‌به‌رتوو و باجد كه‌ندالا بخۆڤه گرت و تێدا پترى سێ هه‌زار ئاواره‌يان هتانه تۆماركرن.
ب گۆڕه‌ى نڤيسينگه‌ها په‌رله‌مانتار د.ڤيان ده‌خيل، ئه‌نداما په‌رله‌مانێ عيراقێ راگه‌هانديه، ل كه‌مپا شاريا كارتا نشتيمانى بۆ 700ئاواره‌يان د ده‌مێ بتنێ 20رۆژاندا هاتينه ده‌رێخستن و راده‌ستى وان كرن، هه‌روه‌سا دروستكرنا پترى 400كارتا بۆ كه‌سێن ده‌ڤه‌رێن جودا جودا و ژوانژى كادرێن لقێ 17 يێ پارتى ديموكراتى كوردستان، زێده‌بارى حاله‌تێن په‌يوه‌ندى ب نڤيسينگه‌هێ كرين.
ديار ژى كريه، رێكارێن تايبه‌ت ل كه‌مپا خانكێ ب داوى بووينه و برياره ل رۆژێن داهاتى راده‌ست بكه‌ن، دهه‌مان ده‌مدا ئاواره‌يێن كه‌مپا قاديا دێ سه‌ره‌دانا فه‌رمانگه‌ها كارتا نشتيمانى كه‌ن بۆ تمامكرنا رێكارێن په‌نجه‌مۆرێ، لدووڤدا ئاوارێن كه‌مپا باجد كه‌ندالا دێ مامه‌له‌يێن ئه‌وان ئێنه ب رێڤه‌برن.
برياره ل رۆژا پێنج شه‌مبوويێ تيما كارى دگه‌ل دادنڤيسى ل كه‌مپا كه‌به‌رتوويێ به‌رهه‌ڤ بن، بۆ پێشكێشكرنا پشته‌ڤانى و هاريكاريكرنا ئاواره‌يان بۆ تمامكرنا مامه‌له‌يێن خۆ و تۆماركرنا وان دسيسته‌مێ فه‌رمى دا.
رۆژانه په‌نجه‌مۆرێن 100بۆ 150ئاواره‌يان ل فه‌رمانگه‌ها كارتا نشتيمانى ب رێڤه‌دچن، كو هاريكاره بۆ بله‌ز ده‌رێخستنا كارتان.
ده‌مێ ڤێ پرۆسه‌يێ نێزيكى 20رۆژان بتنێ ڤه‌دكێشت، به‌راورد دگه‌ل ده‌ڤه‌رێن دى كو ژڤانێ ده‌رێخستنێ پترى دو هه‌يڤان درێژ دبت.