ناڤەندا نووچەیان – سەما
گەلەک رێکخراوێن هاریکاری و رێکخراوێن تایبەت ب وارێ پەنابەران ل ئەلمانیا، داخوازا راوەستاندنا ڤەگەڕاندنا ب زۆری دکەن بۆ عیراقێ.
سێ شه‌مبوويێ 4ى ئادارا 2025ێ، ده‌زگه‌هێ لوتكه يێ كاروبارێن په‌نابه‌ران راگه‌هاند: ل ناڤەڕاستا هەیڤا شوباتێ 47 کەس ژ دەهـ ویلایەتێن ئەلمانیا ژ فڕۆکەخانا هانۆڤەر ب زۆری هاتنە ڤەگەڕاندن بۆ عیراقێ، د ناڤا وان کەسێن ب زۆری هاتینە ڤەگەڕاندن دا ئێزدی ژی هەبوون.
هه‌روه‌سا به‌لاڤكريه، رێکخراوێن هاریکارێن پەنابەران داخوازا راوەستاندنا ڤەگەڕاندنا بزۆری بۆ عیراقێ دکەن، وان راگەهاندییە کو پشتی دەهـ سالان ژ جینۆسایدا ئێزدیا، هێشتا ب دەستێ مەترسیێن هەژاری و بێکاریێ ڤە دنالینن، جودا ژ هێرشێن تیرۆرستی و توندوتیژیێ.
ديار ژى كريه، رێکخراوێن هاریکار رەخنە ل ڤەگەڕاندنا ب زۆری گرتینە و ب “مەناڤرەکا پاقژ یا هەلبژارتنا ل سەر حیسابێ مرۆڤا” دزانن، ئاماژە ب وێ ژی کر کو د ناڤا وان کەسێن ب زۆری هاتینە ڤەگەڕاندن دا، ئێزدی هەنە کو د دەمێ راستى جینۆسایدێ هاتين ل سه‌ر ده‌ستێ داعشێ ئەندامێن مالباتێن خۆ ژ دەست داينە و ژیانەکا نوو ل ئەلمانیا ئاڤاکرینە.
هه‌ر ل دووڤ زانیاریێن بەردەست یێن دەزگەهێ لوتکە، بڕیارە کو د 4ێ ئادارێ دا ڤەگەڕاندنا ب زۆری یا دی یا بکۆم بۆ عیراقێ بێتە ئەنجامدان، بەلێ دیار نینە هەتا نهۆ ئەنجام دایە یان نە.
ب گۆڕه‌ى دووڤچوونێن دەزگەهێ لوتکە خوياكريه، ل باژێرێ هانۆڤەر ل رۆژا شەمبوويێ نێزیکی 200 کەسا خۆپیشاندان ئەنجامدا و نه‌رەزایبوونا خۆ دەربڕین بەرامبەر ڤەگەڕاندنا ب زۆری یا پەنابەران بۆ عیراقێ و سەرهەلدانا بزاڤا راستڕەو ل جڤاکێ دا ،هەروەسا رەخنە ژ هەبوونا ئێزدیا د ناڤا پەنابەرێن ڤەگەڕیايی دا ژی دگرن، ل ساکسۆنیا خوارێ قەدەغەکرنا ڤەگەڕاندنا ب زۆری یا ژن و زارۆک و مالباتێن ئێزدی هەبوو، بەلێ ئەڤ بڕیارە د دەستپێکا هەیڤا کانوونا دووێ یا سالا بوری دا ب داوی هات، د ناڤا وان کەسێن کو ب زۆری هاتینە ڤەگەڕاندن دا، 16 کەس خەلکێ ساکسۆنیا خوارێ بوون، د دەمەکی دا کو یێن دی ژ دەهـ ویلایەتێن فیدرالی یێن دی ڤە هاتینە.