ناڤه‌ندا نووچه‌يان – سه‌ما
ڕێڤەبەریا زانیاریێن وزا یا ئەمریکی، ئيرۆ چارشەمبوويێ 2-4-2025، ڕاگەهاند، عیراقێ زێدەتر ژ 7 ملیۆن بەرمیلێن پترۆلا خاڤ و بەرهەمێن وێ بۆ وەلاتێن ئێكگرتيێن ئەمریکا د مەها کانوونا دووێ یا ساڵا 2025 دا هنارتیە.
ل دووڤ داتایێن ڕێڤەبەریێ کو ئاژانسا شەفەق نیوز به‌لاڤكريه، هەموو هنارتنێن پترۆلێ ژ عیراقێ بۆ وەلاتێن ئێكگرتی یێن ئەمریکا د مەها یەنایرێ دا گەهشتنە 7 ملیۆن و 136 هزار بەرمیلان، کو هندەک کێمتر بوون ژ هنارتنێن مەها کانوونا ئێکێ کو گەهشتبوونە 7 ملیۆن و 320 هه‌زار بەرمیلان.
ڕێڤەبەریا زانیاریێن وزا یا ئەمریکی دیارکر، گشت پترۆلا خاڤ یا هنارتی ژ عیراقێ د کانوونا دووێ دا گەهشتیە 5.615 ملیۆن بەرمیلان، دەمێ هنارتنێن مایی کو دگەهنە 1.521 ملیۆن بەرمیلێن بەرهەمێن پترۆلێ بوون، وەک ڕۆنێن نە-چڕبوویی.