ناڤه‌ندا نووچه‌يان – سه‌ما
خانا ئێزی ئێکە ژ ئاڤاھیێن ھەرى کەڤنار ل پەرستگەھا لالش، دێ بتە مۆزەخانه بۆ پاراستنا کەلەپوورێ ئێزدیان.
پێنج شه‌مبوويێ 3ى نيسانا 2025، ئه‌ندازيار خالد نه‌رمۆ، ئێك ژ سه‌رپه‌رشتيارێن پرۆژەیێ نوژەنکرنا پەرستگەھا لالش بۆ سه‌ما راگه‌هاند: ئێک ژ پرۆپوزه‌لێن نوژەنکرنا پەرستگەھا لالش ئەوه خانا ئێزی بێتە نووژەنکرن کو ئێکە ژ ئاڤاھیێن ھەره کەڤنار ل پەرستگەھێ ھەموو تشتێ گرێدايى كه‌لتوور و ديرۆكا ئێزديان وه‌كو جلوبەرگێن کەلەپوور، میوزیک و ئەو کەرەستێن کەڤندا ئێزدیان بکار دئینان بۆ کارێن چاندنێ و ناڤمالی دناڤدا دێ ئێنە کۆمکرن و پاراستن.
ئه‌و سه‌رپه‌شتياره هێشتا دبێژت: خانا ئێزى هێشتا دوارێ پرۆپۆزه‌ل و پێشنيارێ دايه كو ببته مۆزه‌خانه‌كا كه‌له‌پوورى و جهه‌كێ شوونوارى يێ ديرۆكى يێ ئێزديان، لێ ھێش بودجە نەھاتیە تەرخانکرن و دەست بکارێ سەخبێری و نووژەنکرنا وێ نەھاتیيە کرن.
خالد نه‌رمۆ راگه‌هاند ژى: مۆزەخانا کەلەپووری ل پەرستگەھا لالش دێ بتە ئەگەر پتر کەلەپوورێ ئێزدیان بێتە پاراستن و دەمێ زیارەتکار و شاندەێن بیانی قەستا لالش دکەن دێ کەلەپوورێ ئێزدیان ژی بینن.