بنگه‌هێ لالش ڕۆلێ نڤیسه‌رێن كورد بۆ بهێزكرنا بزاڤا ڕه‌وشه‌نبیری دنرخينت

ناڤەندا نووچەیان – سەما

بنگه‌هێ لالش ل دهۆكێ ڕۆلێ كارا يێ ئێكه‌تیيا نڤیسه‌رێن كورد بۆ پێشڤه‌برن و ب هێزكرنا بزاڤا ڕه‌وشه‌نبیری و چاند و زمانێ كوردی بلند دنرخينت.

د یادا 56 سالییا دامەزراندنا ئێکەتییا نڤیسەرێن کورد مه‌لبه‌ندێ گشتى دا، بنگه‌هێ لالش ل دهۆكێ په‌يامه‌كا پيرۆزباهييێ به‌لاڤكر.

هه‌روه‌سا دياركر، ئێكه‌تیا نڤیسه‌رێن كورد ڕۆله‌كێ كارا گێڕایه‌ بۆ پێشڤه‌برن و ب هێزكرنا بزاڤا ڕه‌وشه‌نبیری و چاند و زمانێ كوردی ل هه‌موو ده‌ڤه‌رێن كوردستانێ و بوویه‌ پره‌ك بۆ خورتكرنا په‌یوه‌ندیێن ڕه‌وشه‌نبیری د گه‌ل پارچه‌يێن دی یێن كوردستانێ و هه‌موو پێكهاته‌يان.

ل داوييا په‌ياما بنگه‌هێ لالش دا هاتييه‌، ئێكه‌تیيا نڤیسه‌ران هه‌رده‌م د بزااڤان دايه‌ بۆ به‌لاڤكرنا په‌یڤ و نڤیسینا كوردی د خزمه‌تا گه‌ل و وه‌لاتێ خۆ دا و نڤیسه‌رێن كورد زه‌حمه‌ته‌كا مه‌زن بۆ پاراستنا ناسنامه‌یا نه‌ته‌وه‌یى یا كوردستانێ دیتینه‌ و ب ڕێزڤه‌ كه‌د و خزمه‌تا وان بلند د نرخینین.