ناڤه‌ندا نووچه‌يان – سه‌ما
ئه‌ندامه‌كا په‌رله‌مانێ عيراقێ رادگه‌هينت، دامه‌زراندنا پارێزگه‌هێن نوو دڤێت ب هشيارى بێته كرن و گۆت: شنگال هه‌ژى دادپه‌روه‌ريا زێده‌تر.
د.ڤیان دەخیل، ئه‌نداما په‌رله‌مانێ عيراقێ راگه‌هاند: پرۆژه‌يێ دامه‌زراندنا پارێزگه‌هێن نوو نه تشته‌كێ نوويه و به‌رێ ژى ل په‌رله‌مانێ و ئه‌نجوومه‌نێ وه‌زيران هاتييه پێشكێشكرن، لێ يا گرنگه كو شنگال د ناڤ ڤێ چارچووڤێ گشتى دا نه‌ئێته كێمكرن.
ديار ژى كر، شنگالێ بهايه‌كێ گران دايه ب جينۆسايدێ و كاره‌ساتان، و ئه‌وا كو پێكهاته‌يێن جڤاكى و چاندى و ئۆلى يێن تايبه‌ت دناڤ خۆ دا دهه‌مبێز دكه‌ت، هێژايه كو ببته پارێزگه‌هه‌كا سه‌ربه‌خۆ.
دوپاتكر، پارێزگه‌هبوونا شنگالێ گاڤه‌كه به‌ره‌ف دادپه‌روه‌ريێ و گه‌ره‌نتييه‌كه بۆ داهاتوويه‌كێ پتر سه‌قامگير بۆ خه‌لكێ وێ.