ناڤه‌ندا نووچه‌يان – سه‌ما
ئيرۆ سێ شه‌مبووويێ 1-4-2025، رێوره‌سمێن جه‌ژنا ئه‌كيتۆ يا كريستيانان ل هه‌رێما كوردستانێ ده‌ستپێكرن و بۆ ده‌مێ 12 رۆژان دێ به‌رده‌وام بن و بڤێ هه‌لكه‌فتێ ئێزديان ئه‌ڤ جه‌ژن ل كريستيانان پيرۆزكر.
هه‌ر ئێك ژ نه‌ڤیێن سۆمه‌ری، بابلى، ئاشوورى، سریان و كلدانى ڤێ جه‌ژنێ دكه‌ن.
هه‌ر ب هه‌لكه‌فتا سەرێ سالا نوو یا 6775 یا بابلی، ئاشووری و جەژنێن ئەکیتۆ، مير حازم ته‌حسين به‌گ، ميرێ ئێزديان په‌يامه‌كا پيرۆزباهيێ ئاراسته‌ى وه‌لاتییێن کلدان و ئاشووری و سریان ل هه‌رێما كوردستانێ، عيراق و جيهانێ هه‌موويێ كر.
ميرێ ئێزديان دياركر، هیڤیا جەژنه‌كا خۆش و ئارام بۆ وه دخوازم و جه‌ژنا ئاشتى و بهێزكرنا پێكڤه‌ژيانێ بت.
وه‌لاتيێن كريستيان ل ده‌ڤه‌رێن جودايێن هه‌رێما كوردستانێ و عيراقێ قه‌ستا پارێزگه‌ها دهۆكێ دكه‌ن بۆ پشكداريكرنێ درێوره‌سمێن جه‌ژنێ دا.
ئه‌كیتۆ جه‌ژنا سه‌رێ سالا بابلى – ئاشوورى یه، ئەڤ جەژنە ل ئێكى مه‌ها نيسانێ ده‌ستپێدكه‌ت و 12 رۆژن و د هەر رۆژەکێ دا رێورەسمەکێ تایبەت هەیە.
ل به‌ر خۆكرنا جلوبەرگێن فلكلۆری يێن ڕەنگا و ڕەنگ، ژ سیمايێن دیارێن ڤێ جەژنێ نه.