ناڤه‌ندا نووچه‌يان – سه‌ما
ميرێ ئێزديان ل كوردستان، عيراق و جيهانێ، پەیامه‌ك دەرباره‌ی وه‌غه‌ركرنا پاپایێ ڤاتیکانێ به‌ڵاڤکر و دبێژت: په‌ناگه‌ها ئێمناهيێ بوو بۆ گەلان و رۆناهیەک بوو بۆ هەموو مەزلووم و بێهێزێن ل جیهانێ.
دەقێ پەیاما ميرێ ئێزديان بۆ وهغهرا داويێ يا پاپا فرانسیس:
ب دله‌كێ پرى خه‌مگين ڤه، سەرەخۆشیێن خۆ ئاراسته‌ى هه‌موو كريستيانان ب گشتی و كريستيانێن ل عيراقێ و هه‌رێما کوردستانێ ب تایبەتی دكه‌ين، ژبەر وه‌غه‌ركرنا پاپا فرانسیس (پاپایێ ڤاتیکانێ).
دەمەکی درێژە پاپا فرانسیس په‌ناگه‌ها ئێمناهيێ بوو بۆ هەموو گەلان و کەسەکێ ئالایێ ئاشتیێ بلند ڕاگرتی و رۆناهیەک بوو بۆ هەموو مەزلووم و بێهێزێن ل جیهانێ. و بەرەڤانکەرەکێ داد و هەولدەرەکێ بۆ جیهانەکا بێ کین و دوژمنایەتی، جیهانا تژی خۆشتڤى و ئاشتيێ بوو.
نابت ئەم هەلویست و گۆتنێن وی ل هەمبەر جینۆسایدا ئێزدیان ل شنگالێ د دەما هێرشا تيرۆرستێن داعشێ ل 2014/8/3 ژ بیر بکەین.
پشتەڤانیا وی بۆ مە و بۆ دۆزا ئێزدیان ل هەموو مه‌حافل. و ب تایبەتی د دەما هەڤدیتنا مە ب وی رە و دووپاتکرنا وی یا بەردەوام ل سەر رێزگرتنا ئازادیا ئایین و باوەری و هه‌مه‌جۆرى ل سەرانسەری جیهانێ.