ناڤه‌ندا نوچه‌یان-سه‌ما
سەرۆک وەزیرێن هه‌رێما کوردستانێ مەسرور بارزانی، ته‌كه‌زى ل وێ يه‌كێ كر، ب وان هەردوو رێککەفتنامەیێن ل گەڵ دوو کۆمپانیێن ئەمریکی ئیمزا کرین، قۆناغەکا نوو یا پەیوەندیێن دناڤبەرا کوردستانێ و ئەمریکا دا دێ دەستپێكه‌ت.
سێ شه‌مبوويێ 20-05-2025، مەسرور بارزانی، سەرۆکێ حکومەتا هەرێما کوردستانێ د پۆستەکی دا ل تۆڕا جڤاکی یا ئێکس راگەهاند “قۆناغەکا نوو یا پەیوەندیێن دناڤبەرا کوردستانێ و ئەمریکا دێ دەستپێکەت ئه‌وژی پشتی ئیمزاکرنا هه‌ر دوو رێککەفتنامەیێن گرنگ ل گەڵ (ئێچ کەی ئێن ئێنێرجی) و (وێستێرن زاگرۆس).”
سەرۆک وەزیرێن هەرێما کوردستانێ باس وێ چه‌ندێ ژی کر، به‌هایێ وان هەردوو رێککەفتنامەیان “ب دەهان ملیار دۆلارن، و دێ کارەبێ بۆ ملیۆنان كه‌سان دابین کەت و دێ ده‌رفه‌تێن کارکرنێ پەیدا کەت و ئابووریا کوردستانێ ب هێزتر کەت.”
ئێوارەی ڕۆژی دووشەممە، 19-05-2025، بە سەرپەرشتیی سەرۆک وەزیران مەسرور بارزانی، لە ڕێوڕەسمێکدا دوو ڕێککەوتننامەی بواری وزە، لە نێوان وەزارەتی سامانە سروشتییەکانی حکوومەتی هەرێمی کوردستان و هەردوو کۆمپانیای نەوتی ئەمەریکی (ئێچ کەی ئێن ئێنێرجی) و (وێستێرن زاگرۆس) ئیمزا کران.
ئێڤاریا رۆژا دووشەمبوويێ، 19-05-2025، ب سەرپەرشتیا سەرۆکوەزیران مەسرور بارزانی، د رێورەسمەکێ دا دوو رێککەفتنامەیێن بوارێ وزێ، د ناڤبەرا وەزارەتا سامانێن سروشتی یا حکومەتا هەرێما کوردستانێ و هەردوو کۆمپانیێن پترۆلێ یێن ئەمریکی (ئێچ کەی ئێن ئێنێرجی) و (وێستێرن زاگرۆس) هاتنە ئیمزاکرن.
دەربارەی ڤێ یەکێ، ستیڤ لوتس، جێگرێ سەرۆکێ ژوورا بازرگانیا ئەمریکا سه‌ربارى پیرۆزباهیێن خۆ، گۆت: مەسرور بارزانی پەیوەندیێن هەرێما کوردستانێ و ئەمریکا ب هێزتر و بەرفرەهتر کرینە. مە پەیوەندیەکا گەلەک باش و ب هێز دگەل مەسرور بارزانی، سەرۆک وەزیرێن هەرێما کوردستانێ هەیە، هه‌ڤده‌م سەرکردایەتیا سەرۆک وەزیران پەیوەندیێن بازرگانی باشتر کرینە.
ستیڤ لوتس باسى وێ چه‌ندێ ژی کر “سەرۆک وەزیرێن هەرێما کوردستانێ، ڕۆلەکێ باش و حه‌كیمانه د سەرکردایەتیكرنێ دا گێڕایە، هەروەسا بەرێ ژی ب شاندەکێ ب هێز سەره‌دانا واشنتنێ کربوون، ئه‌ڤێ چه‌ندێ پەیوەندیێن هەرێما کوردستانێ و ئەمریکا ب هێزتر کرینە.”