ناڤەندا نووچەیان – سەما
سەرۆک بارزانی د سالڤەگەڕا پەیوەندیکرنا خۆ دا ب ڕێزێن پێشمەرگەیێن کوردستانێ ڕادگەهینت: “پێشمەرگەبوون بلندترین شانازییە.”
ئیرۆ چارشەمبوویێ، 20ی ئەیارا 2026ێ، سەرۆک بارزانی د پەیامەکێ دا ب هەلکەفتا 64هەمین سالڤەگەڕا پەیوەندیکرنا خۆ ب ڕێزێن پێشمەرگەی ڤە، سلاڤ هنارتن بۆ گيانێ پاقژێ وان پێشمەرگەیێن کو خوونا وان یا گەش بوویە هێڤێێ ئازادی و سەربلندییێ بۆ گەلێ وان و د وێ ڕێيێ دا شەهیدبووین.
سەرۆک بارزانی د پشکەکا دی یا پەیاما خۆ دا، کو د تۆڕا جڤاکیا “ئێکس” دا بەلاڤ کریە، سلاڤ بۆ هەموو وان قارەمانان هنارتن یێن کو ڕێيا پێشمەرگەبوونێ هەلبژارتی و ئەو ئەرکێ پیرۆز ل سەر ملێ وانە، د هەمان دەم دا گۆت: “چاڤێن هەموویان ماچ دکەم.”
سەرۆک بارزانی د داوییا پەیاما خۆ دا تەکەز ل سەر هندێ کرییە: “پێشمەرگەبوون بلندترین شانازییە.”
ل 20ی ئەیارا سالا 1962ێ، سەرۆک بارزانی د تەمەنێ 16 سالییێ دا چەکێ پێشمەرگایەتییێ کرە شانێ خۆ و پشکداری د شۆڕەشا ئەیلوولێ دا کر.