ناڤه‌ندا نووچه‌يان – سه‌ما
بابێ شێخێ ئێزديان (شێخ عەلی شێخ ئه‌لیاس) پشتى وهرگرتنا چاره‌سه‌ريێ ل وه‌ڵاتێ ئه‌ڵمانيا، ڤه‌گه‌ڕيا هه‌رێما كوردستانێ.
ئيڕۆ پێنج شەمبوويێ، 5ـی حوزەیرانا 2025، سه‌باح سمير، به‌رپرسێ ڕاگه‌هاندنا بابێ شێخێ ئێزديان بۆ سه‌ما ڕاگه‌هاند: ب مه‌ره‌ما وهرگرتنا چاره‌سه‌ريێ و بێهنڤه‌دانێ، بابێ شێخ دماوێ چه‌ند ڕۆژێن بۆرى دا سه‌ره‌دانا وه‌ڵاتێ ئه‌لمانيا كربوو و ل ئێك ژ نه‌خۆشخانه‌يێن وى وه‌لاتى چاره‌سه‌رى و پشكنين بۆ ڕا هاتنه كرن و لدووڤ ئه‌نجامێن نۆژدران هه‌موو پشكنين دباشبوون.
به‌رپرسێ ڕاگه‌هاندنا بابێ شێخێ ئێزديان گۆتژى: پشتى وهرگرتنا چاره‌سه‌ريێ ڕه‌وشا بابێ شێخ گه‌له‌ك باشبوويه و نوكه ڤه‌گه‌ڕيايه هه‌رێما كوردستانێ و كار و ئه‌ركێن خۆ يێن ڕۆژانه وه‌كى به‌رێ دكه‌ت.
ل 4ـی نيسانا 2025، ڕه‌وشا ساخله‌ميا بابێ شێخ تێكچوو و بۆ نه‌خۆشخانه‌كا تايبه‌ت ل دهۆكێ هاته ڤه‌گوهاستن و بۆ ماوێ چه‌ند ڕۆژان ل نه‌خۆشخانێ چاره‌سه‌رى وه‌رگرت.
پشتى بابێ شێخ ژ نه‌خۆشخانێ ده‌ركه‌فتى ڕه‌وشا وى به‌ره‌ف باشبوونێ ڤه چوو، پاشان بۆ پتر پشت ڕاستبوون و بێهنڤه‌دانێ قه‌ستا وه‌ڵاتێ ئه‌لمانيا كر.