لرۆژا چارشەمبووێ رێکەفتی ١٦ ⁄ ٤ ⁄ ٢٠٢٥ سەرێ ساڵا ئێزدییە دگەل نوبونا خەملا بەھارێ و بدووماھیک ئینانا وەرزێ زڤستانێ و رزگاربوونا خەلکێ ژ سر وسەرمایێ ، دگەل ڤەبوونا کولیلکێت بەھارێ و دەنگێ شالول و بلبلان سەرێ سالێ دەست بێدکەت ، لرۆژا چارشەمبوا ئێکێ ژ سالناما شەرقی مللەتێ ئێزدی رێ و رسمێن جەژنا سەرساڵێ دگێرن ، ل ھیڤاریا جەژنێ ئێزدی دچەنە پەرستگەھا لالشا پیرۆز ل وێدەرێ دگەل تاری گەورکێ دگەل حازربوونا کەسێن ئاینی وخەلکێ دچتە وی جھی ل پیشیا قاپیا سەرەکی کو دبێژنێ سوکا مەعریفەتێ ( ٣٦٦ ) فتیل ئانکو چرا دئێنە ڤێخستن ھنجی ژمارا رۆژێن ساڵێ نە ، بکەیف و خۆشی ودەنگێ ھلھلاندا ئافرەتان بخێرھاتنا ساڵا نوو دکەن ھەتا دەمێ شەڤێ ، ل ھەموو گوندان خەلک دچنە بەر خاس وچاکێن ئێزدیان زیارەتی دبن و خوارنا سماتێ دئیتە چێکرن و کەرمدکەن دخۆن و خەلک خێر وخێراتان دکەن ھەر کەس ھنجی تاقەتا خۆ ، ھەموو مالێن ئێزدی ل ھەر جھەکی بن لسەر ئەردێ خودێ دڤێتن ھیکا رەنگا و رەنگ بکەن کو دبێژنێ ھیک سۆرکرن ودڤێتن نانێ سەوکا بێتە چێکرن و خەلک ماڵ بماڵ لسەر ئێک و دوو بەلاڤەکن داکو نانێ وان تێکەل بت ژ نانێ ئێک ودوو بخۆن ، خەلک دچنەماڵێن ئێک و دوو و عیدا سەرێ ساڵێ ل ئێک و دوو پیرۆزیدکەن زارۆک بخۆ شریناھیان کۆمدکەن گەنج گۆڤەند ودێلانان گرێددەن ل بەر دەنگێ دھۆل وزرنایێ ب جلوبەرگێن رەسەن ئێت باب وباپیران کو ژ کومک ورەشکان ولەوەندیان و جەمدانیا سۆر و بنتان ودەمیران پێکدئێن ، گەلەک جۆرێن گەڤن ژکار ویاری دڤێ جەژنێدا ھەینە کو دزڤرنە سەردەمێن بەرێ دباوەریا مە ئێزیاندا ئەوە رەامانا ئافراندنا کنیاتێ ددەن ، کەلاندن و رەنگکرنا ھیکان پاشی شکاندن و پاقژکرنا وان و ھەلاویستکرنا گەڤالەکی پێکھاتی ژ کولیلکێت سۆر کو ئەم دبێژینێ کولیلکێت سەرساڵێ وھەریێ وقالکێت ھیکێت رەنگا و ڕەنگ دگەل گیایێ بەھارێ ب شێوەکی بازنی دئێتە چێکرن بدەستێ کابانیێت ماڵان دگەل شەباقا رۆژا چارشەمبووێ رۆژا سەرساڵێ دئێتە ھەلاویستکرن لسەر دەریێن مالان وەکی نیشانا خێر وبەرەکەتی ونەعمەتا خودێ دڤێتن مرۆڤ دبنرا دەربازبت ، ل ھێرە ھەر کار و کریارەک دڤێ جەژنێدا دئێتەکرن رامانا خۆ یا ھەی و ئەڤ ھەمو جۆرە کاروکریار دزڤرنە سەردەەمێن بەرێ کو ل عیراقا کەڤن دھاتنە کرن ل وەلاتێ مۆزۆبۆتامیا و ھەتا ئیرۆ رۆژ لناڤا ملڵەتێ ئێزدی ئەڤ رێ ورسم ماینە و بشێوەکی فەرمی برێڤەدچن ، ل ھێرە ئەم ژ خودێ مەزن دخوازین ئەڤ جەژنە بتە جەژنا خێر و خۆشیێ و تفاق و تەبای و پیکڤەژیانێ و ئەم ڤێ چەژنێ ل ھەموو مللەتێ خۆ پیرۆزیدکەین .
