سه‌ما
سایتێ Webmed، چه‌ند جۆرێن دژواربوونا نیشانان بو هنده‌ك نه‌خۆشیان ل ده‌مێ سبێ كو تووشى مرۆڤى دبن دياركرينه.
هه‌روه‌سا هنده‌ك ژ ئه‌وان نه‌خۆشیان دیاركرينه ئه‌وێن ل ده‌مێ سبان نیشانێن وان دژوار دبن:
1- قولون: ل سپێده‌هیان دبیته ئه‌گه‌رێ نیشانێن دژوار د مه‌عیدێ دا، ژبه‌ركو هورمونێ كورتیزون بلن دبت، به‌لێ هێدى هێدى ئه‌و ئێشان كێم دبیت ب تایبه‌ت ل ده‌مێ خوارنا خوارنێن ساخله‌م و شله‌مه‌نیێن گه‌رم دگه‌ل تێشتێ.
2- سه‌رئێشان: پتریا جاران ئێشانا سه‌رى ل سپێده‌هیان دژوار دبیت، چونكو ئه‌و لڤینا ژ نشكه‌كێڤه پشتى ده‌مێن درێژ یێن نڤستنێ دبیته ئه‌گه‌ر كو هه‌ست ب ئێشانه‌كا دژوار یا سه‌ۆى بكه‌ى و دبیت بو ده‌مه‌كێ درێژ ڤه‌كێشیت، ده‌مێ تو تێر بنڤى یان تێشتێ بخووى ئه‌و ئێشان دێ كێم بیت.
3- عێلنجى: هنده‌ك كه‌س ل ده‌مێ سپێدێ هشیاردبن ئێكسه‌ر عێلنجى دهێنێ، ژبه‌ۆكو ترشیێن مه‌عیدى ل ڤى ده‌مى دگه‌هنه گه‌وریا مرۆڤى، هه‌روه‌كو ل ده‌ڤ ژنێن دوگیان ئه‌ڤ چه‌نده په‌یدادبیت،.
4- بلندبوونا شه‌كرێ د خوینێ دا: ئێك ژ ئاریشێن مه‌زنه كو نه‌خۆشێن شه‌كرێ تووش دبن دگه‌ل هشیاربوونێ، پتریا جاران ئه‌گه‌رێ وێ بلندبوونا هنده‌ك هورمونانه، ب تایبه‌ت كورتیزون و ئه‌درینالین، سه‌ره‌راى كو له‌شێ مرۆڤى ژى ل ده‌مێ نڤستنێ پتر ئه‌نسولینى دمه‌زێخیت و بو سپێده‌هان وه‌كو پێدڤى نامینیت.
5- هه‌ودانا گه‌وریێ: هه‌ناسه‌دان ب رێیا ده‌ڤى ل ده‌مێ نڤستنێ، دبیت ببیته ئه‌گه‌رێ هشكبوونا بوریكێن هه‌ناسه‌دانێ، پاش هه‌ستكرن ب هه‌ودانێن دژوارێن گه‌وریى ب تایبه‌ت ل ده‌مێ هشیاربوونێ، بو نه‌هێلانا ڤێ ئاریشێ نۆشدار شیره‌تان دكه‌ن شله‌مه‌نیه‌كێ گه‌رم بهێته ڤه‌خوارن بو نه‌هێلانا هه‌ودانا و كێمكرنا ئێشانێن دگه‌لدا په‌یدادبن.