ناڤه‌ندا نووچه‌یان – سه‌ما
لقا 17يا پارتى ديموكراتى كوردستان ل شنگالێ پيرۆزباهى ل بنگه‌هێ لالش كر و دياركر، دامەزراندنا ئەڤی بنگەهی وەرچەرخانەکا دیرۆکی یا گرنگ بوو ژبۆ جڤاکا ئێزدیان ل کوردستانێ و سەرانسەری جیهانێ.
ده‌قێ په‌ياما لقا 17 لقا 17يا پارتى ديموكراتى كوردستان ل شنگال:
ب هەلکەفتا بۆرینا (32) سالان ل سەر دامەزراندنا بنگەهێ لالش یێ ڕەوشەنبیری و کۆمەلایەتی ل ژێر دروشمێ (لالش کانیەکا زەلالە دهورتە د ڕۆبارێ ڕەوشەنبیریا کوردی دا) ل باژێرێ دهۆکا داسنیا.
دامەزراندنا ئەڤی بنگەهی وەرچەرخانەکا دیرۆکی یا گرنگ بوو ژبۆ جڤاکا ئێزدیان ل کوردستانێ و سەرانسەری جیهانێ و هەروەكا پێنگاڤەکا پێشکەفتی و سەردەمی بوو کو ل دەمەکی گونجایی و دگەل چریسکا ئازادیا کوردستانێ دەست بکار بوویی و ڕەوشەنبیریا وەلاتێ مە پێ ڕۆن و گەش بووی.
ئەم بناڤێ لقێ١٧/شنگال یێ پارتی دیموکراتی کوردستان جوانترین و گەرمترین پیرۆزباهیا ئاراستەی سەرۆك و دەستەیا بلند و تەڤایا ئەندام و لایەنگرێن بنگەهێ لالش یێ ڕەوشەنبیری و کۆمەلایەتی دکەین.
هیڤیا سەرکەفتنێ ژبۆ کار و ماندیبوونا وان دخوازین و هەر سەرفەراز و سەرکەفتی بن و دووبارە پیرۆز بێ ساڵڤەگەرا دامەزراندنا بنگەهێ لالش.