ناڤه‌ندا نووچه‌یان – سه‌ما
سەرۆک وەزیران مەسرور بارزانی ل ڕۆژا جیهانی يا کرێکاران پابەندبوونا حکوومەتێ بۆ داكوكيكرن و دابینكرنا مافێن كرێكاران دووپاتكر.
پێنج شەمبوويێ، 1-05-2025، مەسرور بارزانی، سەرۆکێ حکومەتا هەرێما کوردستانێ، ب هەلكەفتا ڕۆژا جیهانی یا كرێكاران د هەژمارا خۆ یا تۆڕا جڤاكییا ئێكسدا، پەیامەك بەلاڤكر.
سەرۆک وەزیرێن هەرێما کوردستانێ ب ڤێ هه‌لكه‌فتێ “گەرمترین پیرۆزباهيان” ل گشت کرێکارێن کوردستانێ و عیراقێ و جیهانێ دکەت. دەکات و دبێژت: من ڕێز و پێزانینێن مەزن بۆ ماندیبوون و ئەرک و پشكدارییا کارا یا كرێكارێن كوردستانێ د پڕۆسەیا ئاڤەدانکرن و گەشەپێدان و بنیاتنانا ژێرخانا ئابوورییا هەرێما کوردستانێدا هەنە.
ب گۆتنا مەسرور بارزانی “حکومەتا هەرێمێ ل سالێن بووری بزاڤێن مەزن كرینە و كاركریە ل پێناڤی باشتركرنا ڕەوشا ژیانا كرێكاران و پاراستنا مافێن وان، ژ ڤی ڕووییڤە، پابەندبوونا خۆ ب دابینكرنا مافێن كرێكاران ژ ڕوویێن ساخلەمی و سلامەتییا پیشەیی و مافێن یاسایی و باشترکرنا هەلومەرجێن كاركرنا وان، دووپاتدکەین.”
دەقێ پەیاما سەرۆکێ حکومەتا هەرێما کوردستانێ ب هەلكەفتا ڕۆژا جیهانی یا كرێكاران:
ب هەلكەفتا ڕۆژا جیهانییا کرێکاران، گەرمترین پیرۆزباهییان ل گشت کرێکارێن کوردستانێ و عیراقێ و جیهانێ دکەم.
من ڕێز و پێزانینێن مەزن بۆ ماندیبوون و ئەرک و پشكدارییا کارا یا كرێكارێن كوردستانێ د پڕۆسەیا ئاڤەدانکرن و گەشەپێدان و بنیاتنانا ژێرخانا ئابوورییا هەرێما کوردستانێدا هەنە.
حکومەتا هەرێمێ ل سالێن بووری بزاڤێن مەزن كرینە و كاركریە ل پێناڤی باشتركرنا ڕەوشا ژیانا كرێكاران و پاراستنا مافێن وان، ژ ڤی ڕووییڤە، پابەندبوونا خۆ ب دابینكرنا مافێن كرێكاران ژ ڕوویێن ساخلەمی و سلامەتییا پیشەیی و مافێن یاسایی و باشترکرنا هەلومەرجێن كاركرنا وان، دووپات دکەین.
ڕۆژا جیهانییا کرێکاران پیرۆزبیت و هیڤیدارم هەردەم مافێن وان د پاراستی بن و د ساخلەم بن.
مەسرور بارزانی
سەرۆکێ حکومەتا هەرێما کوردستانێ