ناڤەندا نووچەیان – سەما
ئيرۆ دوشه‌مبوويێ 27ێ كانوونا دووێ 2025ێ، “د. عه‌لی ته‌ته‌ر” پارێزگارێ دهۆكێ ب كۆژمێ 9 ملیاڕ و 970ملیون و 268هه‌زار دیناران چه‌ندین پڕۆژێن خزمه‌تگۆزاری بۆ قه‌زایێن شێخان و ئامێدیێ و سێمێلێ و چه‌ندین گوند و ده‌ڤه‌ر و كۆمه‌لگه‌هێن سه‌ر ب وان قه‌زا و ناحییان ڤه ڕه‌وانه‌یی قۆناغا بجـهئینانێ كرن. ئه‌و ژی:
ـ پڕۆژێن چێكرن و قێركرن و سه‌خبێركرن و ته‌مامكرنا چه‌ندین جادان ل گه‌ل چێكرنا ڕێكێن گۆڕستانا و پڕۆژێن سه‌خبێركرن و ڕۆناهیكرنا چه‌ندین جاده و ئاڤاهیان و دابینكرنا كه‌لوپه‌ل و كه‌ره‌سته‌یێن رۆناهییێ و گوهۆڕینا هێلێن كاره‌بێ و دابینكرن و سه‌خبێركرنا هێلێن كاره‌بێ ل سه‌ر فیده‌رێن جودا و دابینكرنا پێگۆهوران بۆ بارسڤككرنا پێگۆهورێن كاره‌بێ و گه‌هاندنا هێلێن كاره‌با به‌رده‌وام و پڕۆژێن گوهارتن و چێكرنا تۆرێن ئاڤا ڤه‌خوارنێ و دروستكرنا ئاڤاهیێن خزمه‌تگۆزاری و گه‌هاندنا هێلن كاره‌بێ بۆ به‌نداڤان.
ئه‌ڤه د ده‌مه‌كیدایه كو ل هه‌فتیێن بۆری و د چارچووڤێ به‌رنامێ به‌رده‌وام یێ ئاڤه‌دانیێ دا، پارێزگارێ دهۆكێ ب كوژمێن جودا چه‌ندین پڕۆژێن دی یێن خزمه‌تگۆزاری بۆ هه‌موو قه‌زا و ناحی و كۆمه‌لگه‌هـ و ده‌ڤه‌رێن ل سنوورێ پارێزگه‌ها دهۆكێ ڕه‌وانه‌یی قۆناغێن بجهـئینانێ كرن.
