ناڤه‌ندا نووچه‌يان – سه‌ما
په‌يڤدارا فراکسیۆنا پارتی دیموکراتی کوردستان ل پەرلەمانێ عيراقێ دبێژت: جيێ داخێ يه حکومەتا عيراقێ سەرەڕای جینۆسایدا ئێزدیان و 11 ساڵێن ئاوارەیێ چ ھاريكارى نه‌کريه، شەش هه‌يڤه ئاهێن خوارنێ نه‌داينه،له‌وا كه‌يسا ئاواران مه گەهانديه نەتەوەيێن ئێكگرتى.
د.ڤیان دەخیل، په‌يڤدارا فراکسیۆنا پارتی دیموکراتی کوردستان ل پەرلەمانێ عيراقێ ڕاگه‌هاند، ره‌وشا ئاواران ل کەمپان يا خرابە، پشتى ئەو جینۆسایدا بسەرێ واندا ھاتى،11 ساڵە ل ئاوارەیێ دانه، حکومەتا عيراقێ بەرپرسیارە و پێدڤيه ب ئەرکێ خۆ رابت و ب چاڤه‌كێ مرۆڤی به‌رێ خۆ بده‌ته وى کەیسى، من بخۆ كه‌يسا ئاواره‌يێن شنگالێ گەهانديه نەتەوەيێن ئێكگرتى، ئەو گه‌له‌ك گرنگيێ پێ ددەن، 11 ساڵە ئه‌م داخواز دکەین، حکومەتا عيراقێ بێدەنگی ھەڵبژارتيه و چ ھەڵويست و بزاڤه‌ك بۆ ئاواران نەكريه.
رۆنكر ژى، ل عيراقێ ب چ شێوەیەکى گرنگی ب ئاواران نائێته دان، ب تایبەت يێن ئێزدی، کو زیانا مه‌زن بەر وان كه‌فتيه و ژ قەرەبووکرنا چار ملیۆن دیناران ژى بێ بەهرن، له‌ورا ئه‌م دێ كه‌يسا ئێزديان بەینە وه‌ڵاتێن جیھانێ، ئەو ڕێزێ ل مافێ مرۆڤى دگرن و گرنگيێ پێ ددەن.
دوپاتكر، جيێ داخێ يه ژبه‌رنێزیکبوونا هەڵبژارتنان حکومەتا عيراقێ ل جيێ ھاريکاریا ئاواران بكه‌ن دچن کارێن دی دکەن، بۆ پڕۆپاگەندەیا ھەڵبژارتنان.