ناڤەندا نووچەیان – سەما ٩ی ئادارا ٢٠٢٦

ب مەرەما ڕێزگرتن ل خەبات و قوربانیێن ژنان، مالا ئێزدییان ل باژێڕێ ئۆلدنبۆرک ل وەڵاتێ ئەڵمانیا، ڕێورەسمەکا بەرفرەهـ ب هەلکەفتا ڕۆژا جیهانی یا ژنان ساز کر.

چالاکییێن جۆراوجۆر و پەیامێن مرۆڤی د ڤێ ڕێورەسمێ دا کو ب ئامادەبوونا ژمارەکا زۆر ژ ڕەوەندا ئێزدی و کورد ل ئەڵمانیا هاتبوو گێڕان، چەندین چالاکییێن جۆراوجۆر یێن ڕەوشەنبیری و کۆمەڵایەتی هاتنە پێشکێشکرن. ئامادەبوویان تیشک ئێخستە سەر گرنگییا ڤێ ڕۆژێ و پێگەهێ ژنێ د ناڤ جڤاکی دا.

بلند نرخاندنا ڕۆڵێ ژنا ئێزدی تەوەرێ سەرەکی یێ ئاخفتن و چالاکییان، نرخاندنا ڕۆڵێ کارا و مێژوویی یێ ژنا ئێزدی بوو، د ڕێورەسمێ دا هاتە ڕاگەهاندن کو ژنا ئێزدی سیمبۆلا خۆڕاگری و کۆلنەدانێ یە و د هەمی قۆناغێن زه‌حمه‌ت دا كاریییه‌ ناسنامە و کلتوورێ خۆ بپارێزت، هەروەسا ته‌كه‌زی ل سەر وێ چەندێ هاتەکرن کو پێدڤییە خەباتا ژنێ ب گشتی بۆ گەهشتن ب مافێن ڕەوا بەردەوام بت.

ئەڤ یادە بوویە دەلیڤەیەک بۆ کۆمبوونا ڕەوەندا ئێزدی ل غەریبیێ و دووپاتکرنەڤە ل سەر پشتەڤانیکردنا ژنێ وەک ستوونا سەرەکی یا ئاڤاکرنا خێزان و جڤاکەکێ ساخلەم.