ناڤه‌ندا نووچه‌یان – سه‌ما
ب بەشداریا زێدەتر ژ ئێک ملیۆن و 300 هەزار قوتابیان، ئه‌زموونێن داويێ یێن وەرزێ دووێ یێن پۆلێن نه‌کۆتايى دەستپێکرن.
سپێدەهیا ئيرۆ شەمبوويێ،17-5-2025، ئه‌زموونێن داويێ یێن خۆلا ئێکێ وەرزێ دووێ یێن پۆلێن نه‌کۆتايى ل قوتابخانێن هەرێما کوردستانێ دەستپێکرن و هەتا ڕۆژا دووشەمبوویا داهاتی،26-5-2025، دێ بەردەوام بن.
ئه‌زموون ڕۆژانه ل ده‌مژمێر 8:00ى سبه‌يكێ دەست پێ دکەن و ل دووڤ ئامارێن رێڤەبەریيا گشتی یا ئەزموونان یا سەر ب وەزارەتا پەروەردێ زێدەتر ژ ئێک ملیۆن و 387 هەزار و 895 قوتابی تێدا بەشدارن.
پشتی ب داوى هاتنا ڤان ئه‌زموونان و ڕاگەهاندنا ئەنجامێن خۆلا ئێکێ یا وەرزێ دووێ، وەزارەتا پەروەردێ دێ خشتەیا ئه‌زموونێن خۆلا دووێ یا هەردوو وەرزێن ئێکێ و دووێ بەلاڤ کەت.
ل دووڤ ئامارێن وەزارەتا پەروەردێ زێدەتر ژ هەفت هەزار و 370 قوتابخانە ل باژێر و باژێرکێن هەرێما کوردستانێ هەنە؛ ژ وان ژمارا شەش هەزار و 863 یێن حکومی نە .
د چارچووڤێ بەرنامێ “ڤەگەریان بۆ خواندنێ” وەزارەتا پەروەردێ یا حکومەتا هەرێما کوردستانێ د ماوێ چار سالێن بوری دا، ب ئارمانجا نەهێلانا نەخوێندەواری و کارکرنا زارۆکان، زێدەتر ژ 33 هەزار و 300 قوتابی ڤەگەراندینە بەر خواندنێ.