ناڤەندا نووچەیان – سەما
گوندێ “داکا مەزن”، ئێکە ژ وان گوندێن کو ب درێژاهیا مێژوویێ بوویە قوربانیێ سیاسەتێن چەوسانەوە و توندوتیژیێ، لێ هەر جارەکێ ب ئیرادا خەلکێ خۆ ژ ناڤ خۆلەمێشێ بلند بوویەتەوە. ئەڤ گوندە د مێژوویا خۆ دا 5 جاران ژ لایێ ڕژێما بەعس یا ژ ناڤچووی ڤە هاتیە وێرانکرن، و دوماهی جار ژی ل سەر دەستێ تیرۆرستێن داعش تووشی کاولکاریێ بوو، لێ سەرەڕای ڤان هەموو دەردەسەریان، خەلکێ گوندی چۆل نەکریە و ب دەستێن خۆ ئاڤا کرینەڤە.
د دیدارەکا تایبەت دا بۆ پەیامنێرێ مە “سەفیان سلۆ”، موختارێ گوندێ داکا مەزن، “فەرمان داکی”، پەردە ژ سەر ئازارێن درێژخایێن یێن خەلکێ گوندی لادا و ناڤهاتی ب خەمباری ڤە بەحسێ رەوشا دژوار یا خزمەتگوزارییان کر.
ئازارێن زڤستانێ و جاددەێن وێران
د دیدارەکێ دا بۆ کەنالێ سەما، موختارێ گوندێ داکا مەزن ئاماژە ب رەوشا دژوار یا ژیانا رۆژانە کر و گۆت: “ل وەرزێ زڤستانێ، ژیانا مە دگەهیتە ئاستەکێ گەلەک یێ ب زەحمەت، قوتابیێن مە دەمێ دچنە قوتابخانێ، ژ بەر خراپیا جاددە و کۆڵانان د ناڤ حەریێ دا دمینن و ب زەحمەت دگەهنە خواندنا خۆ.” موختاری داخواز کر کو کەنالێ سەما ببیتە دەنگێ وان و ڤان کێشە و گازندان بگەهینیتە لایەنێن پەیوەندیدار و جهێن بلند.
گوندێ “داکا مەزن”؛ مێژوویەک ژ خۆڕاگرییێ و ژ ئالیێ خزمەتگوزارییان ژی هاتییە ژبیرکرن
قەیرانا کارهبێ و ئاڤێ
ئێک ژ کێشەیێن هەرە مەزن یێن گوندی، کێمییا کارهبێ یە کو کاریگەریەکا نەرێنی ل سەر هەموو سکتەران کریە. موختاری گۆت: “هوون دزانن رەوشا کارهبێ چەوانە؟ کارهبا سیستەمێ ‘سیبایا ئاڤێ’ گەلەک یا لاوازە و ئەڤ چەندە بوویە ئەگەر کو ئاڤ ب دروستی نەگەهیتە مالێن گوندییان، کو ئەڤە ژی ئاریشەیەکا مەزنا پاقژی و ساخلەمیێ یە.”
ڤهقهتییان ژ جیهانا دەرڤە (ئینتەرنێت و پەیوەندی)
جودا ژ کێشەیێن خزمەتگوزاریێن سەرەتایی، گوندێ داکا مەزن ژ لایێ تەکنەلۆژیا و پەیوەندیان ڤە ژی هاتیە پشتگوهاوێژتن. هێلێن تەلەفۆنێ و ئینتەرنێتێ گەلەک یێن لاوازن، و خەلکێ گوندی داخواز دکەن ئەڤ هێلە بهێنە ب هێزکرن دا کو بشێن پەیوەندیێ ب جیهانا دەرڤە بکەن و کارێن خۆ یێن رۆژانە ب ڕێڤە ببەن.
پەیاما دوماهیێ یا موختاری:”راستە گوندێ مە یێ بچووکە، لێ مە قوربانیێن گەلەک مەزن و گرانبها پێشکێشی ڤی وەڵاتی کرینە. ئەم شایستەی خزمەتگوزاریێن باشترن و دخوازین سهما دهنگێ مه بگههینته جهێن بلند”.