ناڤهندا نووچهيان – سهما
بڕيارا ههڵوهشاندنا نيشانگهها “كانيا پيرێ ئالى”يا ئێزديان ل دهڤهرا باتمانێ ل باكورێ كوردستانێ هاته ڕاگرتن.
چالاكڤانێ ئێزدى نهديم ئهركيش، ئيڕۆ 20ـی تهباخا 2025، بۆ سهما ڕاگههاند: پێشتر خهڵكێ گوندێ دهردێلێ گڕێدايى دهڤهرا باتمانێ ل دادگهها دياربهكر سكالا تۆماركربوون بۆ ههلوهشاندانا كانيا پيرێ ئالى يا ئێزديان ل گوندى دا، ب بههانهيا وێ چهندێ كو ئهو جهێ نيشانگههـ تێدا جههكێ شوونوارى يه و نابت بێته ئاڤاكرن.
نهديم ئهركيش، بهحس ل وێ چهندێ كر، گوندێ دهردێلێ يێ ئێزديانه و نوكه موسڵمان تێدا دژين، كانيهك بناڤێ پيرێ ئالى ل گوندى دا ههبوو، لێ ئاڤاهى نهبوو بتنێ كانى بوو، نوكه هاتيه ئاڤاكرن ڤه و جههكێ پيرۆزێ ئێزديانه.
ئاماژه ب وێ چهندێ دا، ئێزديێن گوندى نهرازيبوونا خۆ دياركرن و ب ڕێكا پارێزهران داخوازا مافێ خۆ كرن، پشتى چهندين بزاڤێن بهردهوام ئهو بوو ل 15-8-2025، جههكێ بڵند يێ بڕياردانێ ل ئهنقهرهيا پايتهختێ توركيا بڕيار دا ئهو نيشانگههـ نهئێته ههڵوهشاندن و وهكو خۆ بمينت.
چهندين مهزارگههـ و نيشانگههێن ئێزديان ل باكورێ كوردستانێ ههنه و ئێزدى ڕێورهسمێن خۆ يێن ئۆلى دگێڕن، دنوكه دا هێدى هێدى ئێزدى ل ئهورۆپا ڤهدگهڕنه سهر دهڤهرێن خۆ يێن باب و كالان ڤه و دووباره دهست ب ژيانهكا خۆ بكهن.