ناڤه‌ندا نووچه‌یان – سه‌ما
ئيرۆ پێنج شه‌مبوويێ 15-5-2025، سایده‌كێ پڕۆژه‌یێ جوتسایدێ شێخان بۆ په‌رستگه‌ها لالش هاته ڤه‌كرن و پڕۆژه به‌ری ده‌مێ خۆ دێ ب داوی ئێت.
پشتى دماوێ چه‌ند ڕۆژێن بۆرى دا كار ل سه‌ر قێڕكرنا جادا شێخان بۆ په‌رستگه‌ها لالش هاتيه كرن، ئيرۆ ل هه‌مبه‌ر شوفێران و وه‌لاتيان هاته ڤه‌كرن.
دوهى ڕۆژا چارشه‌مبوويێ 14ى ئه‌يارا 2025، سەردار شێخ یحیی، قايمقامێ قەزا شێخان دگەل شاندەکی سه‌ره‌دانا پڕۆژه‌يێ جووتسایدێ شێخان بۆ په‌رستگه‌ها لالش كر و راگه‌هاند، کۆمپانیا جێبەجێکار ب دیزاینه‌کێ جوان و تیمێن شارەزا کاری ل سەر پرۆژەی دکەن.
گۆتژى: پرۆژە دهێتە چێکرن ژلایێ حکومەتا هەرێما كوردستانێ ب سەرپەرشتیا رێزدار مه‌سرور بارزانی، سه‌رۆكێ حكومه‌تێ کو گرنگیەکا ئێکجار دایە دروستکرنا ڕێکێن گشتی، بۆ هندێ زیدەتر ببنە رێکخۆشکەر ژبۆ خزمەتکرنا وه‌لاتیێن دەڤەرێ.
ئاماژه ب وێ چه‌ندێ دا، ب درێژاهيا 10 كيلۆمه‌تران و لدووڤ ساخله‌ت و ستاندارێن مودرن و ب كوژمى 28 مليار ديناران دئێته بجهئينان.
قايمقامێ قەزا شێخان ڕاگه‌هاند ژى: تا نوكه 70٪ كار ل سه‌ر پرۆژه‌يى هاتيه كرن و به‌ری ده‌مێ خۆ دێ ب داوی ئێت و كه‌فته دخزمه‌تا وه‌لاتيان دا.
دوپاتكر ژى: هێشتا هێما ل سه‌ر جادێ نه‌هاتينه دانان و داخوازێ ل شوفێران دكه‌ين ل ده‌مێ بكارئينانا جادێ له‌زاتيێ كێم بكه‌ن و هشيار بن.