ناڤەندا نووچەیان – سەما
بنگههێ لالش ل دهۆكێ بهياننامهيهك ل دۆر ڕهفتارا ل دژى ميرێ ئێزديان ل ئهلمانيا هاتيه كرن بهڵاڤكر و ڕاگههاند، داخوازێ ل گهنجێن ئێزدى دكهين هشيار بن و گيانێ برايهتى و پێكڤهژيانێ بهڵاڤ بكهن.
دبهياننامهيا بنگههێ لالش يێ ڕهوشهنبيرى و كۆمهڵايهتى دا ل دهۆكێ هاتيه:
د دهمهكیدایه پێكهاتهيا ئێزدیان د قۆناغهكا دژواردا دهرباز دبت، و ساڵڤهگهڕا یازدێ یا جینۆسایدا ئێزدیان هاته ساخكرن و چاڤێ ههموو ئێزدیان ل ناڤخۆ و ژ دهرڤهی وهڵاتی ل ئێكرێزی و ههڵویستهكێ ئێكگرتی یه.
جهێ دلگرانیێ یه هندهك گهنجێن مه ژ دهرڤهی وهڵاتی ئهڤان ڕهفتاران ئهنجام ددهن، كو دوژمنێ ئێزدیان ئاواتهخواز و دلخۆشن، ئهڤجا چ مهبهست بت یان بێ مهبهست، دروستكرنا گرژی و ئالۆزیان بتنێ برینێن مه مهزنتر لێدكهت.
ئهوا ڕهفتارا گهنجهكێ ئێزدیێ خهڵكێ رووسیا ل وهڵاتێ ئهلمانیا بهرامبهر “میر حازم تهحسین بهگ” میرێ ئێزدیان ل كوردستان، عێراقێ و جیهانێ كرى، دكهفته چارچوڤهیێ ئهوان تشتێن مه بهحسكری، ئهم ب تهمامی ڕهتدكهین و ب تووندترین شێوه ئیدانه و شهرمهزار دكهین.
داخوازێ ژگهنج و جڤاكێ خۆ يێ هشیار دكهین كو زۆرینهیا رهها پێكدئینن، روحا خۆشتڤی و برایهتی و تهبایێ دناڤ جڤاكی دا ل ههر جههكی بن بهڵاڤ بكهن و كهلتوورێ لێبۆردهیی و پێكڤهژیانێ دناڤ ئێزدیان و پهیرهوكارێن ئاینێن دیتردا ل خزمهت و بهرژهوهنديا گشتی دا بهڵاڤ بكهن.
بنگههێ لالش یێ ڕهوشهنبیری و كۆمهڵایهتی/دهۆك
5/8/2025