ناڤەندا نووچەیان – سەما
ڕۆژا ئێك شەمبوویێ ٨ی شوباتا ٢٠٢٦ێ، پەیوەندییەكا تێلەفۆنی د ناڤبەرا سەرۆك مەسعود بارزانی و تۆم باراك، نوونەرێ سەرۆك ترامپ بۆ كاروبارێن سووریێ و بالیۆزێ ئەمەریكا ل توركیا ھاتە ئەنجامدان.
بارەگەهێ بارزانی د ڕاگەهاندنەکێ دا بەلاڤکرییە، د وێ پەیوەندییا تێلەفۆنی دا، بیروبۆچۆن ل دۆر ڕەوشا سیاسی یا دەڤەرێ ب گشتی و داوی پەرەسەندن و گوھۆڕینێن سووریێ ھاتنە ئالوگۆركرن. ھەردو ئالی ھەڤدەنگ بوون ل سەر پێتڤییا بەردەوامییا گرتنەبەرا ھەموو پێنگاڤەكێ ژ بۆ وێ یەكێ ڕێك ل پشێوی و ئاڵۆزی و شەڕی بێتە گرتن و ئاشتی و سەقامگیری ل دەڤەرێ جھگیر ببت.
ھەر د وێ پەیوەندییا تێلەفۆنی دا، ھەردو ئالییان دەستخۆشی ل ئێكدو كر ژ بۆ وی ڕۆلێ كاریگەر یێ كو د بەرقەراربوونا ئاشتی و سەقامگیریێ دا ل دەڤەرێ گێرای. ھەروەسا سەرۆك بارزانی سەرەڕای دەربرینا پێزانینان بۆ ڕۆلێ ئەمەریكا، تەکەزی ل سەر بەردەوامییا ھەڤپەیمانییا د ناڤبەرا گەلێ كوردستانێ و ئەمەریكا دا كر.